2023 Alfa Romeo Giulia & Stelvio

* Моделите Alfa Romeo Giulia и Stelvio еволуираат во однос на стилот и технологијата, но остануваат верни на генетскиот код на брендот, како израз на благородниот италијански спортски дух од 1910 година.

* Денoвиве, двата модели покажаа нов „изглед“ благодарение на софистицираните Adaptive Matrix 100% LED фарови и целосно новата „Trilobo“ решетка на ладилникот, која обезбедува силно чувство на сродство со моделот Tonale.

* Технологијата и поврзувањето достигнаа нов врв: има целосно дигитална инструмент табла со историски „телескопски“ дизајн

* Технологијата NFT (незаменливи токени) дебитира во новите модели на Giulia и Stelvio, која се заснова на концептот на „blockchain-картичка“: шифрирана дигитална и непроменлива записа каде што се запишуваат основните информации за секое возило.

* Возачката динамика на марката останува златен стандард во категориите SUV и седан благодарение на совршената распределба на тежината, најдобрата агилност и леснотија во класата и исклучително прецизното управување.

* Нова стратегија за опсегот, приклучувајќи се на веќе воведената за Tonale: Super, Sprint, Ti и Veloce. Четири различни пакети на опрема, четири имиња со корени во традицијата на брендот Alfa Romeo.

* Како дел од новите модели на Giulia и Stelvio, дебитира специјалната серија „Competizione“ – врвна верзија која воведува нова, ексклузивна мат месечина светло сива боја.

Овие наградувани модели ја освоија меѓународната заедница благодарение на препознатливата извонредност на марката – совршена распределба на тежината, најдобра возна динамика во класата, врвни технолошки и погонски решенија – и безвременскиот дизајн што го прави секое возило Alfa Romeo долго трајно „уметничко дело на тркала“. на сродство со моделот Tonale. Новите Giulia и Stelvio достапни од февруари 2023 година.

Нов изглед

На предниот дел на новите модели Giulia и Stelvio, решетката на ладилникот, каде што е поставено логото, како и долните решетки на двата главни доводи за воздух, добија уникатен изглед кој претставува модерна интерпретација на добро познатите и впечатлива решетка (грил) „Трилобо“ (Trilobo). Предните светла се всушност главниот нов елемент напред. Денес, двата модели дебитираат со предните светла „3+3“, со 100% LED приспособливи Мatrix светла. Ова создава силно чувство на семејна блискост со моделот Tonale и во исто време потсетува на еден од познатите елементи на брендот што го претстави легендарниот модел Alfa Romeo SZ Zagato и концептуалниот модел Alfa Romeo Proteo.

Три модули го сочинуваат уникатниот преден дел на новите модели Giulia и Stelvio и обезбедуваат светло за дневно возење, динамичен трепкач кој обезбедува најдобри услови за осветлување благодарение на воведувањето на две софистицирани технологии: „Adaptive headlight system“, кој постојано го прилагодува собореното светло врз основа на брзината и условите за возење, како и „Технологијата за сегментирано долго светло без oдблесокај“, која автоматски ги детектира двете насоки на сообраќај во услови на слаба осветленост за да избегне заслепување на другите возачи, а на крајот, тука е „Добредојдовте и збогум“ уред, функција која се вклучува секогаш кога возачот ја затвора или отвора вратата од автомобилот. Сето ова значи поголема ефикасност – во смисла на времетраење и заштеда на енергија – и поголема безбедност поради помал замор на очите и поголема удобност при возењето.

Распоредот на задната група LED светла, која овозможува совршена комбинација на стил и софистицирани технологии, е исто така дизајниран да го нагласи спортскиот дух на двата модели. Конкретно, новата Giulia има нови задни светла покриени со стакло со проѕирен финиш, додека светлата на новиот модел на Stelvio имаат чадено стакло со сјајна црна завршница.

Нова, целосно дигитална табла со инструменти

Новите Giulia и Stelvio се опремени со најсовремена технологија за да се овозможи удобно и поврзано искуство, а во исто време да се обезбеди препознатливото уживање во возењето на моделите на Alfa Romeo. Најважната промена може да се види на таблата со инструменти, со неговиот историски „телескопски“ дизајн. Содржи нов, целосно дигитален 12,3-инчен TFT екран, каде што е можно да се пристапи до сите информации за возилото и параметри поврзани со технологиите за автономно возење.

Понатаму, кластерот е достапен во три варијанти: Evolved, Relax и Heritage. Evolved ја претставува иднината на дизајнот на брендот Alfa Romeo и ја користи централната област на екранот, но сепак ги задржува двата попречни пресеци. Relax е фокусиран на удобноста, не содржи детални информации за возилото и не ги прикажува тие два дела. Heritage е инспириран од иконските модели на брендот од шеесеттите и седумдесеттите, со впечатливи детали како што се превртените бројки на крајот од скалата на брзинометарот.

NFT технологија и „Alfa Connect Services“

Новите Giulia и Stelvio се опремени со течен (флуиден) и интуитивен систем за интерфејс со човечка машина (Human Machine Interface -HMI) што ги става при рака сите функции. Понатаму, инфозабавниот систем гарантира содржина, функционалност и „Alfa Connect Services“,кој нуди неколку корисни услуги за безбедност и удобност, дизајнирани да се ажурираат безжично. На пример, функцијата „Мој далечински управувач“ (My Remote) вклучува различни услуги како што е способноста да се контролираат некои од функциите на возилото (отворање/затворање на вратите, трепкање светла) од далечина со помош на паметен телефон/паметен часовник.

Технологијата NFT (незаменливи токени) е достапна за новите модели на Giulia и Stelvio – светска ексклузива во автомобилската индустрија, која италијанскиот бренд ја започна со моделот Tonale и кој сега е достапен за целата гама. Технологијата се заснова на концептот на „блокчејн-картичка“, шифрирана и непроменлива дигитална плоча во која се чуваат главните информации за секое возило. Овој впечатлив елемент надвор од автомобилот, кој е лесен за користење и кој е одржлив, дополнително го нагласува иновативниот карактер на брендот Alfa Romeo. По избор на клиентот, NFT генерира сертификат каде се складираат податоците за животниот циклус на возилото. Овој сертификат може да се користи за да се гарантира правилното зачувување на возилото и со тоа да се заштити неговата резидуална вредност. Сертификатот NFT дополнително претставува потврда за кредибилитет, што му помага на сопственикот/препродавачот, но и дополнително го охрабрува купувачот на користено (половно) возило.

Возна динамика која е најдобра во сегментот

Динамиката на возење на новите модели на Alfa Romeo Giulia и Stelvio повторно е најдобра во класата во нивните соодветни сегменти. Тие обезбедуваат интензивно возачко искуство во автентичниот дух на Alfa Romeo, што значи правилен баланс помеѓу италијанскиот дизајн, врвните мотори, совршената распределба на тежината, специјалните технолошки решенија и одличен сооднос тежина-моќ. Суштината на денешните и постарите модели на брендот Alfa Romeo е содржана во „магичната“ формула која од моделот Tonale (симбол на метаморфозата на марката), продолжи да го редефинира спортскиот дух за XXI век, така што вклучува и одржливост. Со цел да се постигне ново ниво на ефикасен спортски дух со високи перформанси, глобалниот италијански бренд може да се потпре на својата реномирана извонредност. Сè што е потребно е да седнете во новите модели на Giulia и Stelvio за да разберете дека сте на вашиот пат кон иднината на возењето.

Леснотија и агилност: совршеното и спортско динамично однесување на моделите Giulia и Stelvio е поддржано со употреба на ултралесни материјали како што се алуминиум (на пр. што се користи за основата на моторот) и јаглерод (на пр. за карданско вратило), земени директно од светот на трките.

Погон на четири тркала со Q4 технологија: дизајниран да управува со влечењето на возилото на реактивен и предвидлив начин, за да обезбеди највисоко можно ниво на перформанси, ефикасност и безбедност. Технологијата Q4 ги гарантира сите предности на погонот на четири тркала и во исто време гарантира намалена потрошувачка на гориво, реактивност и уживање во возењето на возилата со погон на задните тркала. Во срцето на системот Q4 е системот Active Transfer Case (ATC), кој ги следи условите за држење и активностите на возачот во реално време за да обезбеди најдобри перформанси.

Системот Q4 на Alfa Romeo му овозможува на возилото да патува во класичен режим на погон на задните тркала, ако стисокот на гумите се приближува до крајната вредност на држење, или на барање на возачот, може веднаш да испорача до 50% од вртежниот момент на моторот на предните тркала во помалку од 150 ms, со што се спречува пролизгување на тркалата и се обезбедува максимална изведба на возилото и ефикасност на возењето.

Механички самоблокирачки диференцијал Q2: како дел од пакетот Veloce, можно е да се интегрира Q4 погон на четири тркала со механичко самозаклучување Q2, што е исто така достапно кај верзии само со погон на задните тркала. Независниот диференцијал за блокирање ја подобрува агилноста и спортскиот изглед, гарантирајќи совршен стисок (лепење за патеката) за подобра стабилност при свиоци при големи брзини, и поголемо странично забрзување и супериорна безбедност при влажни или лизгави услови на патот, со тоа што тркалата се секогаш под контрола и се намалува лизгањето.

Суспензија на Alfa Link: Возењето возило Alfa Romeo е незаборавно искуство. Ова се должи на ексклузивната архитектура на суспензијата Alfa Link™. Напред, избрана е суспензија со двојна коска со полу-виртуелна управувачка оска (исклучиво за Alfa Romeo), што го оптимизира ефектот на филтрирање и му овозможува на возачот брзо и прецизно вртење со неограничена контрола. На задниот дел е избрано решение со повеќе врски, четири и пол раце – патент на брендот Alfa Romeo – што обезбедува подобрено управување, комбинирано со извонредна удобност. Ексклузивно за специјалната серија Competizione, вграден е системот Alfa™ Active Suspension, со електронски контролиран систем за амортизација кој се прилагодува на условите на возење од момент во момент, овозможувајќи му на возачот да избере управување со повисоки перформанси или управување приспособено на удобност.

Интегриран систем за сопирање (IBS): електромеханички систем кој комбинира контрола на стабилноста со системот за сопирање, гарантирајќи моментален одговор на сопирањето, намалувајќи растојание на сопирање и овозможување значително оптимизирање на тежината. Употребата на систем за сопирање по жица овозможува значително намалување на компонентите во моторниот простор, заменувајќи еден уред со единица составена од пумпа, електрични сопирачки и ESP, што гарантира помала поддржана маса и поголема агилност на возилото.

Дополнително, за одличната динамика на возење на Giulia и Stelvio придонесува и исклучително директното управување, кое е поврзано со 8-брзински автоматски менувач ZF со автоматски педали на спојката, што гарантира одлична контрола во свиоците.

Последно, но не и најмалку важно, за совршен баланс помеѓу уживањето во возењето и системите за поддршка, новите модели на Giulia и Stelvio нудат комплетен пакет на напредни системи за помош на возачот (ADAS) со функции за автономно возење на ниво 2.

Ова значи дека возачот може да го препушти забрзувањето, сопирањето и контролата на управувањето на возилото под одредени услови користејќи електронски системи кои бараат постојан надзор на возачот.

Овие системи го поддржуваат возачот и обезбедуваат поголема удобност при долгите патувања.

Сепак, возачот мора секогаш да има постојана контрола, секогаш држејќи ги рацете на воланот.

Едноставна и интуитивна гама стратегија

Новите модели на Giulia и Stelvio се спојуваат на нова логична рамнина воведена од Tonale, што ја олеснува конфигурацијата на возилата од страна на клиентите.

Всушност, достапни се два пакети за украсување – Super и Ti – секој со импресивни карактеристики за да ги задоволи дури и најпребирливите клиенти. Пакетот на опрема Super, почетниот модел за уникатно Alfa Romeo искуство, може да се прилагоди со пакетот Sprint, кој вклучува различни спортски додатоци.

Пакетот Ti, кој ја нагласува елеганцијата и истакнатиот карактер на двете возила, може да се надгради со пакетот Veloce за да се постигнат максимални перформанси и спортски изглед.

Не треба да заборавиме дека имињата Super, Sprint, Ti и Veloce имаат долга историја во рамките на брендот Alfa Romeo.

Значи, постојат четири различни пакети, од кои секој може да одговори на потребата на купувачот да се чувствува како да е едно со своето возило. Конечно, новите Giulia и Stelvio нудат значителни промени во моторот: на сите модели во гамата, сега е достапен дизел мотор со погон на задните тркала 160 CV.