Apple го превзема од Tesla главниот инженер за електромотор!

Потпретседателот на Tesla, Мајкл Швекуч, одговорен за електромоторите во компанијата, премина во Apple, пишува electrek.co  што информацијата ја добил од сопствени извори…

Швекуч, се смета за врвен експерт во сферата на електромоторите, а до доаѓањето во Tesla, во 2015 година, работел во инженерските компании BorgWarner и GKN Driveline, каде создава и голем број електрифицирани енергетски агрегати.

Во Tesla тој бил одговорен за електричниот погон на новиот Roadster, на камионот Semi и на идниот pick – up на брендот, што би требало да се појави до крајот на тековната 2019 година.

Преминот на Швекуч во Apple, ги зголеми шпекулациите дека компанијата ќе развие сопствено електрично возило.

Идејата за тоа е на Стив Џобс, починатиот, визионер, креатор и основач на Apple, но како и повеќето идни проекти на компанијата со загризано јаболко во логото, така и овој, е тајна!.

Инаку, во последната година се појавија и информации дека компанијата се откажа од развојот на електрични автомобили и дека ќе се фокусира на технологии за автономно движење.

Целта е тие технологии да ги продава на автомобилските производители, но како работите тргнаа  во друга насока, односно самите производители развиваат сопствени автономни системи, така и Apple се врати кон планот за сопствен електромобил.

ПОВРЗАНИ ВЕСТИ

Rivan со кујни на извлекување како дополнителна опрема!

Citroën Born Paris XV, 100 автомобилски икони за прослава на 100 роденден на брендот

Новиот Mercedes-AMG One вреди четири милиони долари!

Ново продолжение на посетата на фабриката Rimac Automobili!

Од Ливерпул на финалето на лига на шампиони во Мадрид со Škoda Favorit

Најавено годишно производство од 10.000 примероци на Tesla Roadster

Електричниот Lotus Type 130 себитира на 16 јули годинава

Škoda Mountiaq – креација на фантазијата на младите дизајнери од Чешка

Почна одбројување до премиера Bentley Flying Spur, лимузина со спортски DNK!