Автомобили што најмногу и најмалку се расипуваат

Германскиот автомобилски клуб (ADAC) ја објави статистиката за интервенции извршени за изминатата година на автомобили стари меѓу три и десет години…

Како што наведоа, најмногу интервенции се поврзани со дефект на батеријата, 46,2 отсто од вкупно 3,49 милиони дефекти.  ADAC вклучи 132 модели на возила за прв пат регистрирани помеѓу 2012 и 2019 година во својата статистика за дефекти во текот на 2021 година.

Покрај батеријата, се бара помош на пат поради дефект на моторот или управувањето со моторот (15,5%), проблеми со каросеријата, управувањето, сопирачките, суспензијата или менувачот (14,8%), електрониката (10,3%), гуми (7%) и системот за пумпа за гориво (3,1%), пренесуваат агенциите.

Имено, некои дефекти на возилата се чести и се случуваат по одреден период. Проблемите со пумпата за гориво, на пример, статистички се појавуваат дури по 10 години старост на возилото, а потоа зачестуваат.

Проблемите со алтернаторот континуирано се зголемуваат од четвртата година.

Потешки неисправности со свеќичките се забележани кај автомобилите произведени во 2013/2014 година.

На возраст од три до десет години, најсигурни беа Toyota Aygo, Audi A1, Renault Captur, Mini, Suzuki Vitara (од 2019 до 2016 година), Audi Q3, BMW 1 Series, BMW X1, Audi A4, Audi A5, Audi Q5, BMW Series 3, BMW Series 3 Cupe, BMW X3, Audi A6 и BMW Series 5.

Dacia Sandero доби многу добри оценки во сите години, Volkswagen Polo е исто така многу добар, а само 2012 година беше оценета под многу добра.

Dacia Duster генерално е оценета како добра, а 2013 година е оценета како одлична.

Mercedes-Benz B-Class е многу добар во сите возрасти. Mitsubishi ASX е исто така одличен и многу добар.

Seat Leon е многу добар во сите години. VW Golf е многу добар, освен 2012 година кога е – саммо добар. Kia Ceed се движи од слаб рејтинг (2012) до многу добар рејтинг (2019).

Mazda CX-5 е многу добра, освен 2013 кога е добра. Škoda Octavia е многу добра, освен 2013 и 2012 година кога беше оценета пониско, т.е добра.

Модели кои немаат спектакуларни резултати се Smart ForFour, Hyundai i20, Renault Clio, Toyota C-HR, Toyota Corolla, Ford S-Max, Opel Insignia и Volkswagen Sharan.

Така, на пример, Toyota Aygo регистрирана за прв пат во 2019 година има 2,2 дефекти на 1000 регистрирани возила, додека Smart FortWo има 7,5. Aygo од 2012 година има 9,3 дефекти, а Smart Fortwo од истата година има 21 дефект на 1000 возила.

Во категоријата мали автомобили, Suzuki Swift од 2019 година, на пример, има 1,4 дефекти на 1.000 регистрирани возила, додека моделот од 2012 година има 14,8.

Hyundai i20 за 2019 година има 2,4, а 2012 има 31,4. Audi A4, кој припаѓа на средната класа, има 1,9 дефекти на 1000 регистрирани возила во 2019 година, а 9,1 од нив од 2012 година.

Opel Insignia од 2019 година има 12,3 дефекти, а од 2012 година 26,4 од нив. BMW Series 5 од 2019 година има 1,4 дефекти, а моделот од 2012 година има 16,5.

Mercedes Е Classa од 2019 година има 2,4, додека моделот од 2012 година има 23,7.

 

ПОВРЗАНИ ВЕСТИ

Германија ги намалува субвенциите за купување EV

Новиот Audi RS3 co електричен мотор

Почна производството на Mercedes-AMG One

Новиот Porsche 911 GT3 RS на пазарот пристига 2023

Next.e.GO Mobile SE ќе произведува електрични автомобили во Македонија

Во Германија нови давачки за дизел и бензински автомобили а олеснувања за EV

Подновен беџот и имиџот на луксузниот автомобилски бренд

Илон Маск одличен дипломат -Tesla во Кина со „повластена“ позиција

Неофицијалните рендери открија многу можен изглед на претстојната BMW Серија 5.