BMW X6 во Vantablack црна, најцрната од сите црни бои!

Од BMW го претставија новиот  X6 обоен во Vantablack црна боја која е позната како најтемната црна боја на светот…

Автомобилот ќе има премиера во Франкфурт на 10 септември на салонот за автомобили и веројатно ќе биде една од атракциите на годишното биенално издание IAA 2019 .

Имено, засега не ни е познато дека некој друг автомобил добил вакво премачкување на својата надворешност.

За прв пат Vantablack бојата e претставена во  2014 година од страна на компанијата Surrey NanoSystems.

Таа боја апсорбира 99.965% од светлината што е доволно на човечкото око 3D објектите да му изгледаат во две димензии.

Како што оваа боја се поигрува со  човечкото око, односно со умот, можете да видите и од приложените фотографии.

Површината е составена од ситни јаглеродни нано цевчиња што се околу  5000 пати потенки од човечко влакно од коса, што значи дека од прилика милијарда на тие ситни нано-цевчиња   може да се сместат во еден квадратен сантиметар.

Понатаму тоа значи дека речиси сета светлина што паѓа на површината се впива, a не рефлектира од површината.

Бојата Vantablack што го краси BMW X6 e VBx2 варијанта на таа боја што е оригинално развиена за употреба пред се во научни цели.

За разлика од оригиналниот Vantablack што ја апсорбира речиси сета светлина, VBX2 овозможува 1% од светлината да се рефлектира од површината.

На тој начин тие што го гледаат автомобилот се уште можат да ја видат неговата форма.

Ова премачкување може да се нанесува како и обичната боја.

„ Да бидеме искрени, примивме повици од повеќето големи производители на автомобили, речиси од денот кога во 2014 година го лансиравме оригиналниот материјал, но секогаш одговаравме со – не”, рекол пронаоѓачот на Vantablack бојата и основач на компанијата Surrey NanoSystems.

„Тоа делумно е последица и на фактот дека сме добиле соодветен материјал дури откако се појавивме со VBx2. KКога се обративме до BMW, се уште во многу што преовладуваше двоумењето. Но новиот X6 изгледал така неверојатно поинаку така што оваа комбинација се чинеше одлична идеја.“

Засега нема никакви службени информации, но треба да очекуваме дека таков X6 ќе остане само изложбен примерок за салони и слични големи манифестации.

ПОВРЗАНИ ВЕСТИ

Иднината на горивните ќелии и хидроген возила се по розова

Volkswagen ID.3 ќе комуницира со патниците

 Hyundai со хидроген инфраструктура за камиони со горивни ќелии

Audi електричните возила ќе ги гради на четири платформи

Виртуелен авто механичар!

VW со мал електричен автомобил поевтин од 20.000 евра

Land Rover Defender со технологија за далечинско управување!?

Со новата Škod, купувате и Laurа – нова асистенција во возењето!

Висока ефикасност: Нова Opel Corsa и Opel Astra со LED фарови што штедат енергија