Кинескиот Lumin е градски електричен модел во гамата на кинескиот Changan, кој ќе чини 49.900 јуани (6.740 евра) за основната верзија од 1 јануари во Кина…
Моделот Lumin е базиран на модуларна платформа EPA0, а што се однесува до димензиите, долг е 3270 mm, широк 1700 mm, висок 1545 mm, додека располага со растојание помеѓу оските од 1980 mm.
Електричниот мотор со моќ од 30 kW/41 КС се наоѓа на предната оска, а со едно полнење на батеријата со капацитет од 12,92 kWh автомобилот има автономија од 155 km (по CLTC циклус).
Достапни се и батерии од 17,65 kWh, па автономијата во тој случај изнесува до 210 km.
Има и посилна верзија со моќ од 35 kW/48 КС и батерија со капацитет од 27,99 kWh, со автономија од 301 km со едно полнење.
Оваа последна варијанта чини 69.900 кинески јуани ( односно „преведено“ во европска валута околу 9.440 евра).
Максималната брзина на сите верзии е ограничена на 101 km/h.
Changan Lumin е опремен со две предни воздушни перничиња, 14-инчни тркала, клима уред и мултимедијален систем со екран на допир со димензија од 10,25 инчи во дијагонала.
