Dacia одбележа убав јубилеј 10 милиони произведени возила

Романската марка слави ново достигнување – од фабриките на оваа марка излегоа импресивни десет милиони возила.

Dacia го започна својот живот во далечната 1968 година и оттогаш многу, навистина многу возила на четири тркала ги напуштија производните линии. Овој производител измина долг пат, од монтажа на препакувани Renault модели, до европски бестселер во форма на Sanderо.

Dacia 1300 има акумулирано 2,3 милиони единици во текот на многу долга кариера. Од друга страна, Duster успеа да истурка дури 2,1 милиони примероци за помалку од 13 години. Секако, гореспоменатиот Sandero е убедлив на листата со произведени 2,6 милиони автомобили и не престанува да руши рекорди.

Романскиот бренд најде златен рецепт за европските клиенти и од година во година бележи одлични комерцијални резултати. За тоа најдобро говорат податокот дека во 2014 година славела 5 милиони продадени и дека за тој подвиг биле потребни 46 години!

Но, само осум години подоцна, пристигнати се точно 10 милиони регистрации! Доколку се прашувавте кој е јубилејниот модел, можеме да пренесеме дека станува збор за Dacia Duster Extreme, специјалното издание на овој теренец. Сепак, овој автомобил нема да оди кај купувач, бидејќи Романците решиле да го задржат возилото во музејот Dacia.

ПОВРЗАНИ ВЕСТИ

Tesla ги запре нарачките од Европа и Кина за pick up моделот Cybertruck

Corvette Z06 70th Anniversary Edition како Pace Car на овогодинешниот Индијанaполис 500

Нов потпретседател на одделот за дизајн во Dacia

Hyundai би можел да ја прекине соработката со Rimac

Се укинува производството на Ford Fiesta во изведба со три врати

Цените на автомобилите во Русија со енормен скок по воената интервенција

Победи на Владимир Тренески и Давид Малинковски на првите две трки од Twingo Cup

На Хунгароринг викендов почнува сезоната на Twingo Cup

Потврдено – ќе има салон за автомобили во Женева идната 2023 година