Екологија и Renault од пластични шишиња до нов ентериер!

И од порано се знаеше дека Французите вложуваат огромни ресурси и пари во екологијата, a со ова последното, само потврдуваат дека сериозно работат на тоа поле…

Новата генерација на Renault Zoe што наскоро треба да се појави на глобалната автомобилска сцена повторно од многу причини ќе биде интересен автомобил.

 

Освен се уште интересната приказна за електромоторите, сега ќе биде интересен и да се говори за патничката кабина што ќе добие поинаква форма и суштина одошто досега.

Во Renault се здружиле со две компании и под заедничкото име  Filatures du Parc и Adient Fabrics ќе произведуваат облоги на седиштата од рециклирани материјали– а во овој случај станува збор за стари сигурносни ремени во возилата, ткаенини и од амбалажата што се враќа, односно од пластични шишиња, чаши, безбеносни појаси….

Да добро прочитавте – пластични шишиња.

Спомнатото еколошко претпријатие го претстави целиот проект, за кој тврди дека дури за 60 % ја намалува емисијата на CO2 во процесот на производство на облоги на седиштата.

Од Renault одлучиле оваа иницијатива да ја пласираат во своите производи во иднина, a самите, при тоа потенцираат дека новите материјали ги задоволуваат барањата и критериумите во однос на удобноста но и на нивната трајност.

Навистина делува фантастично и кој знае можеби новите генерации на Talisman и остатокот од свитата што е во портфолиото на производителот на автомобили од Франција ќе бидат дел од оваа приказна.

Ништо не е неможно а ние со голема наклоност гледаме кон напорите што Renault ги прави на полето на екологијата, односно на зачувување на човечките ресурси и животната средина.

Всушност Французите од секогаш се стремеле да бидат иновациски настроени и тренд сетери не само во полето на модата и индустријата, туку и во стилот на живеење. 

ПОВРЗАНИ ВЕСТИ

Кои автомобили најчесто се расипуваат, дизел, бензински, хибридни, plug-in хибриди

Совет : По долгото возење со високо оптоварување не гаснете го веднаш моторот!

Ако еден автомобил го користат повеќе возачи задолжително дезинфицирајте го!

Volkswagen исплатил поголем дел од спогодби за отштета во „дизелгејт” скандалот во Германија

Tesla повторно пред проблеми сега поради големиот централен екран во модел Ѕ

Видео Škoda Superb iV и VW Passat GTE паднаа на тестот „северен eлен”!

Совет: Ако се запали сијалицата за АВЅ – итно на сервис!

Совети : Ако откаже акумулаторот пред да купите нов проверете три работи

Совет –Автомобилот долго стои, еве како да ги сочувате гумите во оптимална состојба