Електричен VW ID. Space Vizzion

Во кусо соопштение Volkswagen навел дека на 19 ноември тековната 2019 година ќе претстави  електричен концепт на автомобил од својата ID серија, а возилото го носи името ID. Space Vizzion…

За самиот автомобил засега нема многу информации, но најавено е дека ќе биде промовиран во Petersen Automotive Mузејот, за време на Building an Electric Future изложбата.

Изложбата, пак, за јавноста ќе биде отворена на 20 ноември, а треба да се потенцира и дека плановите на германската автомобилска марка се да стане водечки производител на електрични возила во светот.

Инаку, ID. Space Vizzion e студија на електричен караван и тоа изграден врз MEB платформа на Volkswagen наменета за електрични возила, при што се потенцира модерната, пространата и варијабилна внатрешност, како и ID Pilot систем со автономно возење

Покрај тоа, се спомнува и дигитален кокпит, како и седишта кои се прекриени со материјал наречен AppleSkin, нов производ што е составен од обновлив сиров материјал.

Конкретни детали допрва следуваат но веќе сега е потврдено дека автономијата на возењето со едно полнење на батериите изнесува 590 km (според мерењата по WLTP циклусот).

Треба да се истакне дека I.D. Space Vizzion ќе добие и сериска верзија и тоа веќе во 2021 година како и дека ќе се продава на американскиот, европскиот и кинескиот автомобилски пазар.

ПОВРЗАНИ ВЕСТИ

Спектакуларна промоција на Škoda Octavia IV  во Прага

Peugeot e-Expert лесен комерцијалист со верзија на струја иднина што е тука!

Citroen C5 Aircross Hybrid – Новина на„ Шеврон“ за придонес на екологијата

Audi R8 V10 RWD поевтин од Quatro но повозбудлив и позабавен!

Откриен најмоќниот BMW M2 во CS лимитирана сензација од Минхен

Видео: KIA Futuron Concept

BMW M340i xDrive Touring се приклучува на перформанс караван линијата

Porsche 911 конечно со можност да се нарача и со рачен менувач

Во очи на премиерата на новата Škoda Octavia хит во сите свои генерации