Ford би можел да отпушти 8.000 работници!

Според агенцијата Bloomberg, американскиот производител на автомобили со стилизиран син овал во логото – Ford бара заштеди , а истото има намера да го постигне преку отпуштање на вработени на дури неколку илјади позиции во компанијата.

Планираните отпуштања првенствено ќе се однесуваат на одделот за развој на мотори со внатрешно согорување во САД. Во март 2022 година, претседателот на Ford, Џим Фарли (Jim Farley), најави поделба на марката на посебни сектори – Ford Blue, кој се занимава со мотори со внатрешно согорување и Model е, кој е специјализиран за развој на електромобилност. Како што пренесува Bloomberg, првиот наскоро би можел да стане жртва на реструктуирање.

За планираното отпуштање до 8.000 Ford Blue беше информирано од анонимни внатрешни извори на кои се повикува Bloomberg. Оттаму додаваат дека планот се уште не е одобрен, па деталите се предмет на промена. Неофицијалната причина за одлуката е заштедата што би можела да се потроши за развој на електрични возила.

Одлуката совршено се совпаѓа со претходните најави на Фарли, кој најави дека до 2026 година има намера да ги намали трошоците за околу 3 милијарди долари, пренесува Automotive News Europe (ANE).

Кратењата би се однесувале на различни оперативни позиции, најмногу во Соединетите Американски Држави, каде Ford вработува 31.000 вработени со полно работно време.

Треба да се спомене дека Фарли имаше визија за овие активности веќе во февруари, на автомобилската конференција Wolfe Research.

– Имаме премногу луѓе – цитира Automotive News Europe.

Bloomberg ја праша американската подружница на Ford за наводните планови за отпуштање.

Портпаролот Марк Труби (Mark Truby) објасни дека производителот се фокусира на трансформацијата за да профитира од придобивките во сегментот на електрични возила. „Поставивме јасни цели да ја намалиме структурата на трошоците и да станеме поконкурентни и подготвени за индустријата“, рекол  Труби.

ПОВРЗАНИ ВЕСТИ

Купувачите од САД најзадоволни од технолошките новини кај Genesis

Изменето логото на Citroen

Кинескиот BYD размислува за производство на електрични автомобили во Европа

Honda во септември го намали производството за 40%

Фалсификувани автомобилски делови-измама опасна по живот

Цената на бензините оди надолу а на дизелот нагоре!

R5 TURBO 3E ја освои ја освои наградата на публиката на натпреварот „Уметност елеганција 2022 “ во Шантили

Ferrari Purosangue затрупан со идеи

Голем интерес за електричен VW ID. Buzz