Францускиот Citroen со видео најави нов електричен мини автомобил!

Производителот на автомобили од Франција, познат по бројните иновации што оставија длабок печат во автомобилската индустрија – Citroen, деновиве, објави краток видео запис со што, судејќи според се’, се најавува нивниот нов електричен автомобил…

Во моментов се уште нема конкретни информации околу новата иновација на францускиот бренд со стилизиран шеврон во логото.

Единствено што е познато, е дека премиерата на тој автомобил на струја ќе биде одржана наредниот месец, поточно на 27-ми февруари, оваа 2020 година, на домашен терен, во Париз.

Познавачите коментираат дека тоа би можела да биде сериската верзија на минатогодишниот Ami Onе Concpt, со кој француската марка ја одбележа својата 100-годишнина.

Потсетуваме, концептниот мал автомобил Ami One е Лилипутанец, пред се наменет за градски сообраќај, со целосно електричен погонски систем што ни ја посочува визијата на Французите за иднината на урбаната мобилност.

Станува збор за автомобил со две седишта, долг само 250cm, широк 150 cm, висок 150 cm, тежок само 425 kg, додека, пак, кругот на вртење му изнесува само осум (8) метри.

Од Citroen наведуваат дека ова возило има автономија на возење од околу 100 km , со едно полнење на литиум- јонски батерии (за чие полнење е потребно два часа).

Како и да е, Citroen со серискиот модел би требало да „обезбеди електрично возење достапно за сите“, тука пред се се’ мисли на неговата ценовна достапност за широкк круг на потенцијални клиенти.

ПОВРЗАНИ ВЕСТИ

Unimog се „качи“ на највисокиот вулкан во светот и стана апсолутен рекордер

PD One автомобил што лета инспириран од Ferrari

Светската тнисерска ѕвезда- Новак Ѓоковиќ во реклама за Peugeot e-208

Автомобилската колеција на Пол Вокер продадена за 2,33 милиони доалри

BMW i4 concept пристигнува за малку повеќе од еден месец во Женева!

За првиот нов Chevrolet Corvette Stingray платени 3 милиони долари!

Audi и FC Bayern München продолжуваат заедно- фудбалерите добиваат e-tron!

Специјална Royale серија модели на Maserati за супер избирливи клинти!

Ford Mustang GT од филмот Bullitt продаден за 3,74 милиони долари