Германија нема да го блокира кинескиот производител на електрични автомобили BYD како можен инвеститор во фабриката за автомобили Ford која бара нов сопственик…
Најавата доаѓа во време кога Германија се обидува да ја намали својата економска зависност од Кина, да се заштити од потенцијалните геополитички тензии, но не и да се отуѓи од важен брзорастечки потрошувачки пазар.
Wall Street Journal на крајот на јануари објави дека BYD е еден од петнаесетте инвеститори заинтересирани да ја преземат фабриката на Ford во Сар од 2025 година, откако Ford ќе престане да го произведува моделот Ford Focus.
Кинеската BYD претходно соопшти дека бара фабрики во Европа, а извршниот потпретседател на компанијата рече дека попрво би изградил свои фабрики отколку да купува постојни, пренесува Reuters.
