Иако тјунинг-куќата Hennessey Performance најпрво стекна слава создавајќи хипер спортски автомобили, со овој теренец докажаа дека имаат знаење и за нешто сосема друго…
Љубителите на ултра способните теренци сè уште се сеќаваат на импресивниот Mercedes-Benz G63 AMG 6×6.
Во споредба со него, Hennessey Chevrolet Silverado Goliath 6×6 се чувствува како постар брат на стероиди.
Под хаубата се наоѓа мамутски 6,2-литарски мотор со осум цилиндри поставени во форма на латинската буква V, кој благодарение на огромниот механички компресор развива моќност од 705 КС и 914 Nm максимален вртежен момент.
Но, ако и тоа не е доволно за сопственикот, се подготвува комплет за зголемување на моќноста на околу 800 КС.
Како Hennessey Chevrolet Silverado Goliath 6×6 се однесува во пракса, погледнете го видеото.
