Honda ќе купува чиста обновлива струја од соларни и фарми од ветерници

Производителот на автомобили од Јапонија, Honda се согласи да купи 320 мегавати електрична енергија од ветерни и соларни фарми во Тексас и Оклахома

Тоа е најголем откуп на „чиста“ електрична енергија досега од страна на некој производителот на автомобили.

Јапонците  ќе ја користат електричната енергија за да ги неутрализираат емисиите од своите фабрики во Охајо, Индијана и Алабама, се вели во соопштението од компанијата.

Ова ќе и овозможи на Honda да ги намали штетните емисии од производството за цели 60 проценти во САД.

Honda е меѓу се поголемиот број на големи компании кои се вртат кон обновливите извори на енергија, бидејќи ветерот и сончевата енергија стануваат два од најевтините достапни извори на енергија.

Корпоративните набавки на „чистата“ енергија досега достигнаа најголема вредност од 13,4 гигавати во 2018 година и се на добар пат да го соборат тој рекорд  годинава.

„Во последните неколку години, почнавме да сфаќаме дека ако сакаме да направиме огромни намалувања на емисијата на СО2 од употребата на енергија треба да инситираме на истражување во усвојувањето на обновливата енергија“, изјави Рајан Харти, менаџер во одделот за развој на деловната средина во Honda USA.

Како дел од договорот што беше објавен во минатата недела, Honda ќе почне со купување на електрична енергија од есента наредната  2020 година од фармата за ветерници „Boiling Springs“ во Оклахома.

Следната година, таа ќе започне со купување енергија од соларна фарма во Тексас.

ПОВРЗАНИ ВЕСТИ

Lexus IS ситно брои до глобалната премиера на новата гeнерација

10-те најпопуларни автомобили во Германија

Porsche Behind the scenes: Ново доживување за сопствениците на возил од  брендов

Првиот човек на Tesla ја доби првата исплата од oколу 800 милиони долари

Електричен Hercules Alpha

BMW M2 (2021): нов ултра-спортски дериват на баварскиот компактен тркач

Murray T.50 со премиера во Август

Видео: Ken Block дрифтува во монструмот со шест тркала на Ford

Nissan се враќа на голема врата со дузина нови модели!