Hyundai почна да ја користи технологијата на отклучување и стартување со прст

Биометријата веќе извесно време се користи во унапредување на безбедноста на мобилните телефони и персоналните сметачи, a сега оваа технологија, по малку срамежливо, почнува да пронаоѓа пат и во автомобилската индустрија а тука Корејците сакаат да бидат помеѓу првите

По Bentley Bentaygа, читачот на отпечатоци на прсти од првиот квартал на 2019 година ќе се најде и во SUV моделот на Корејците – Hyundai Santa Fe.

Технологијата е вградена на кваките на вратите и на копчето start/stop, па сопственикот, или овластеното лице може да влезе и да го задвижи возилото без клуч.

Системот исто така, во зависност од наместениот профил, автоматски ќе се прилагодува на возачот поставувајќи ја според него позицијата на седењето и аголот на поставеност на надворешните ретровизори, а во не така далечна иднина би требало да ја контролира и позицијата на управувачот, температурата во кабината како и бројни други поставки.

Во Нyundai тврдат дека читачот на прстот го поедноставува користењето, но и значително ја зголемува безбедноста на возилото .

Системот е способен да ја анализира разликата во нивото на електрицитетот на прстот, па не е едноставно да го измамите со лажен прст (отпечаток) a шансите да погреши , наводно, изнесуваат еден наспроти 50.000.

Од Hyundai најавија нови податоци за цената и за достапноста на оваа нова технологија, а засега единствено е потврдено дека нивниот читач на отпечаток од прст во  Santa Fe ќе биде понуден само на одредени пазари.

ПОВРЗАНИ ВЕСТИ

Идниот месец во Женева Subaru  со први електрифицирани модели за Европа

Ford подготвува Hybrid Mustang со погон на сите четири тркала!?

Mercedes-Benz дополнителна опрема ќе вградува и со апликација, далечински!

Hyundai со иновација- повеќфункционално перниче од иднината!

Toyota и Panasonic ги здружија силите за производство на батерии за EV

Bose со решение за анулирање на бучава во автомобилите

ClearMotion суспензија готова за сериско производство и револуција на патеките

Byton M-Byte електричен SUV со дигитална табла

Tesla започна со изградба на фабрика во Шангај