Исто така, се посочува дека корејската компанија е „на цел“ да го заземе второто место на листата на производители на електрични автомобили во САД, пред Ford и зад Теslа.
Така, Hyundai стана третиот производител на автомобили во светот по обем на производство, а пред него се само Toyota и Volkswagen. Јужнокорејската компанија е пред имиња како General Motors (GM) и Stellantis за прв пат од нејзиното формирање пред 55 години.
Иако растот на компанијата застана во 2020 година, Hyundai се враќа со полна сила во 2021 година, со значително зголемување на производството и продажбата. Во светот се продадени 6,6 милиони возила на Јужно Корејците, а Volkswagen продаде 8,9, додека Toyota 10,5 милиони примероци.
Иако Hyundai е сè уште далеку од својот јапонски ривал, тој ја подобри продажбата во 2022 година, со досега највисока просечна стапка на раст меѓу водечките производители на автомобили.
Растот на Hyundai може да се припише и на неговата зголемена популарност во Северна Америка. На пазарите во САД, Канада и Мексико отпаѓаат 21 отсто од вкупната продажба минатата година, што е повеќе од пласманот на домашниот пазар, кој учествуваше со 17 отсто од вкупната продажба.
Извештаите сугерираат дека популарноста што ја ужива Hyundai дополнително ќе се зголеми. Компанијата во моментов планира инвестиции вредни милијарди долари, кои вклучуваат изградба на нова фабрика за електрични автомобили во САД. Исто така, има гласини дека корејскиот производител сака да го престигне Ford и да стане втор по големина електричен бренд во САД, веднаш зад Tesla.
Не треба да заборавиме дека Корејците се натпреваруваат и во премиум сегментот со нивниот бренд Genesis, со имиња како BMW, Audi и Mercedes-Benz.
