Веќе ги видовме првите фотографии од Ford Explorer EV, додека неговата официјална промоција се одржа денеска, а брендот со син овал во логото добива уште еден интересен адут на пазарот на електрични возила со повисоко поставена положба …
Значи, Explorer EV е електричен crossover модел што има габарити: должина од 4460 mm со пет седишта за Европа, создаден во соработка со Volkswagen AG.
Основата е платформата MEB што е аплицирана на моделот Volkswagen ID.4, но изгледот на Explorer EV е секако сосема поинаков, со тоа што Ford користи квадратен (аглест) изглед кој подобро се вклопува со името Explorer.
Внатрешноста има дигитален инструмент зад густиот, квадратен волан, како и голем екран со димензии од 14,6 инчи во дијагонала.
Волуменот на багажникот се движи од 450 во основа, до 1400 литри, со склопени задни седишта.
Што се однесува до верзиите во гамата, основниот модел ќе го придвижува еден електричен мотор со моќ од 170 КС (со батерија со капацитет од 52 kWh и досег од 351 km), а потоа ќе следи верзија која исто така има еден мотор, но со моќ од 286 КС (со батерија си капацитет од 77 kWh и автономија од респектабилни 539 km).
Кога станува збор за врвот на понудата, тоа е варијантата со два електромотори и погон на четири тркала (има моќ од 340 КС и автономија од 491 km).
Полнењето на батеријата 10-80 проценти од капацитетот на брзите полначи ќе трае околу 25 минути.
Explorer EV има и помош за промена на лента, како и Clear Exit Assist, кој обезбедува предупредувања за приближување на велосипедисти. Дополнително, има и возачко седиште со масажа, двозонска клима, влез без клуч и електричен. отворајќи ја задната врата.
Производството ќе се одвива во фабрика во Келн, Германија, а нарачките ќе почнат да се примаат кон крајот на оваа 2023 година.
Цените се уште не се познати, но британските медиуми проценуваат дека ќе стартуваат од околу 40.000 бритамски фунти.
Како и да е Ford чекори кон реализација на плановите и програмата за електрификација со не забавено темпо, а во тој контекст се и изјавите на челните менаџери на Компанијата кои потенцираат дека соработката со Volkswagen AG во иднина уште повеќе ќе се интензивира.
Останува да бидеме трпеливи и да почекаме како ќе помине на пазарот новиот адут на американската марка, бидејќи времето, како и ставот и реакцијата на потенцијалните купувачи се единствените валидни мерила, за успехот односно неуспехот на моделот
Од наша страна ние му посакуваме се најдобро на Ford Explorer EV и ги очекуваме наскоро и другите Ford новини.
