Интригантно – Можно Peugeot 608 на FCA Maserati платформа

Не така одамна во автомобилските 1970-ти и 1980-ти беа одбележани со врвни лимузини, што во тоа време беа во зенитот на славата и популарноста на глобално рамниште…

Во тие времиња, Германците ги фаворизираа перформансите, Италијанците и Британците играле на картата на спортски настап и стил, a Французите нуделе неприкосновена удобност во возењето!.

Секако, веќе на „прва топка“ на памет ни доаѓаат моделите на Citroen, но исто така и на Peugeot, што и според бројни други карактеристики бил „трн во окото“ на лимузините од Германија.

Некој од нас се уште се сеќаваат (иако тогаш сме биле деца на пет шест години) на големите лимузина на Peugeot со погон на тркалата од задната оска, како што се моделите: 504, 605 и 505, што во исто време нуделе и стил но и моќ со V6 мотри.

Подоцна, со тек на време, се менувале и трендовите на глобалниот пазар на автомобили па така и  Peugeot со својата гама модели, a големите лимузини со погон на задни тркала и со спортски амбиции полека заминале во минатото како дел од славната историја на марката.

Најголемата лимузина денес во програмата на Peugeot e моделот 508 што во моментот има сила со капацитет до 200 KS што е во ред, но сепак во споредба со Германците...

Имено и не е некоја „фора“ еден од најатрактивните автомобили во класата, денес, на пример на еден BMW Serieѕ 3, може да му парира само до половина од гамата на овој Баварец.

Деновиве специјализираниот портал Autoevolution. com објави интересен рендер на „цртеж“ на Андреј Неделе што ја покажува својата визија на моделот 608, блескав голем Peugeot со погон на тркалата од задната оска.

Неговата нишка водилка била дека такво нешто во иднина би било можно е поттикната од неодамнешното спојување на автомобилските гиганти FCA и PSA во четврт по големина автомобилски концерн во светото каде можеби би имало место и за таков проект.

Ние би рекле дека се е можно, особено ако се знае дека италијанско американскиот џин во своето портфолио има доволно материјал за да им го позајми на Французите.

При тоа, пред се се мисли на платформата за возила со погон на тркалата на задната оска што инаку ги користат возилата на Maserati и на Alfa Romeo, поточно за нивните модели  Quattroporte, Ghibli и за Giulia.

Тоа, пак, би можело да му овозможи на Peugeot враќање на голема врата во светот на премиум лимузините  каде доминира германското тројство (Audi, BMW и Mercedes) особено на пазарите во Европа и Кина, a новиот Peugeot 608 би понудил примамлива комбинација како автомобил кој изгледа блескаво како впрочем сите нови модели на Peugeot, но што при тоа е направен врз платформа на спортски автомобил.

ПОВРЗАНИ ВЕСТИ

За Ford Bronco нема непристапен терен!

Tesla подготвува уште еден pick-up, покрај Cybertruck

Infiniti станува Nissan plus!

Lexus IS ситно брои до глобалната премиера на новата гeнерација

10-те најпопуларни автомобили во Германија

Porsche Behind the scenes: Ново доживување за сопствениците на возил од  брендов

Првиот човек на Tesla ја доби првата исплата од oколу 800 милиони долари

Електричен Hercules Alpha

BMW M2 (2021): нов ултра-спортски дериват на баварскиот компактен тркач