Јапонците направија супер спортски автомобил од цеулоза

Министерството за заштита на животната средина во Јапонија деновиве, на салонот за автомобили во Токио,  прикажа единствен супер спортски автомобил што е изработен од цеулоза и од отпад што се добива во земјоделството …

Иако супер автомобилот е релативно со лесна маса, и понатаму е, тврдат познавачите, многу силен и издржлив.

Наречен „Нано Цеулозно Возило“  (NCV), ѕверката од дрво предизвика огромен интерес на штотуку завршениот салон за автомобили во Токио.

Дизајнот на автомобилот е изразито агресивен и футуристички што многу малку луѓе воопшто и би поверувале дека е направен од материјал добиен од растенија (биомаса), коментираат познавачите.

Конструкторите потенцираат дека каросеријата, од покривот, преку вратите, па до капакот на моторот (хаубата) се направени од нано –влакна изработени од цеулоза.

Материјалот е потполно „јаглеродно неутрален“ (неговото производство не бара потрошувачка на фосилни горива ниту пак дава било каков придонес кон загадувањето на животната средина).Токму поради тоа е многу подобар за средината“,рекол помеѓу другото Тошио Кон, менаџер на групата за конверзија на возила во министерството за заштита на животната средина во Јапонија.

Луѓето кои стојат зад изградбата на овој автомобил истакнуваат дека „влакната од нано цеулоза “  се пет пати посилни од челикот, а воедно се и пет пати полесни.

Во моментот нема никакви информации за перформансите на агрегатот поставен под хаубата на „дрвениот супер спортист“ на Јапонците.

ПОВРЗАНИ ВЕСТИ

Италијанската полиција во флота добива и Suzuki Jimnу!

Maserati GranTurismo Zeda

Lexus  сопроизведен целосно електричниот модел за 10 дена во Кина

Кои се доверливи а кои треба да се избегнуваат, покажа TUV прегледот на 9 милиони возиламодели

Нови официјални скици на идната генерација на Kia Optima

Интригантно – Можно Peugeot 608 на FCA Maserati платформа

Можно повторно заживување на Lotus Elan!

Renault Arkana – може да биде француски BMW Х4 во Европа до 2021

Индиска Mahindra 100 % сопственик на Peugeot Motorcycles