Но тука има една „квака“ бидејќи истата е обезбедена само за производителите што инвестираат во САД…
Јужна Кореја соопшти дека ќе обезбеди финансиска поддршка од 7 трилиони корејски вони (7,1 милијарди американски долари) за своите производители на батерии кои сакаат да инвестираат во инфраструктурата во Северна Америка во следните пет години, за да им помогне на фирмите да се справат со Законот за анти-инфлација на САД.
Поддршката на владата ќе вклучува намалување на стапките на заемите и премиите за осигурување за дури 20 отсто, како и обезбедување на повеќе заеми и даночни кредити за капацитетите за производство на батерии и материјали на корејските фирми во регионот, соопшти Министерството за индустрија, објави Reuters.
Министерството за финансии на САД пред повеќе од еден месец објави построги даночни правила за електричните возила (ЕV), барајќи од производителите на автомобили да набавуваат одреден процент од одредени минерали за батериите за ЕV од САД или од американски партнер за слободна трговија за да се квалификуваат за нови федерални стимулации на САД во рамките на на пропишаниот закон.
Според законот, 50 отсто од вредноста на компонентите на батериите мора да бидат произведени или составени во Северна Америка за компанијата да се квалификува за кредит од 3.750 долари.
„И владата и бизнисмените треба да соработуваат за заеднички да изнајдат решенија за ефикасно справување со брзо менувачките ситуации по Законот за намалување на инфлацијата“, рече министерот за трговија Ли Чанг-јанг на состанокот со големите производители на батерии и компании за материјали.
Во ноември, Јужна Кореја формираше сојуз за батерии со поддршка на владата, со цел полесно да се натпреварува на овој пазар на кој доминира Кина.
Јужнокорејските LG Energy Solution (LGES), Samsung SDI и SK On сочинуваат три од најдобрите пет светски производители на батерии за електрични возила, кои заземаат повеќе од една четвртина од глобалниот пазар и ги снабдуваат компаниите како што се Tesla, Volkswagen и General Motors.
