Само 210 примероци од LaFerrari Aperta на Ferrari излегоа од фабриката во Маранело, а сега еден од нив е продаден за вртоглава фигура.
Кога станува збор за скапи, егзотични и многу барани автомобили, Ferrari е на самиот врв како производител.
Ремек-делата од Маранело со текот на времето добиваат на вредност, а доказ е неодоливото LaFerrari Aperta кое е продадено на аукција за 5,36 милиони долари, пишуваат агенциите.
Автомобилот помина само 260 километри, иако е модел за 2017 година, па јасно е дека е во совршена состојба. LaFerrari Aperta има 6,3-литарски атмосферски V12 мотор со хибридна технологија односно и со електричен мотор од 120 kW, а оваа комбинација развива 950 КС и 900 Nm вртежен момент.
Супер автомобилот забрзува од 0 до 100 km/h за помалку од три секунди, а до 200 достигнува за 7,1 секунди пред да достигне максимална брзина од 350 km/h.
Моторот е поврзан со седумстепен автоматски менувач со двојна спојка.
Каросеријата е обоена во препознатливата црвена боја Rosso Corsa на Ferrari, а исто така има опционален карбонски тврд покрив.
Автомобилот има тркала со пет краци со димензии 19 инчи напред и 20 инчи назад со гуми Pirelli P Zero.
Четири краеви на издувните цевки го комплетираат целиот пакет што импресионира.
Внатрешноста е вистинска симфонија од карбон, црна кожа, алкантара и црвени детали, а кокпитот е „цивилизиран“ и содржи Bluetooth конективност, USB приклучок и клима уред, додека возачот има сензори за паркирање и камера кои помагаат во движењето наназад.
