Lamborghini ја разгледува можноста да го „оживее“легендарниот теренец LM002

Љубителите на Lamborghini се свесни дека Urus не е вистински SUV од  Санта Агата Болонезе, поточно тие знаат дека Lamborghini помеѓу 1986 и 1993 година произведувал теренец – моделот LM002, што поради својот робустен лик бил наречен Rambo – Lambo

Во основа тој автомобил бил многу сличен на американскиот Hummer, a неговата посебност и вкупно производство од само 328 примероци му обезбедија легендарен статус.

Деновиве, од MotorTrend, пишуваат дека Rambo Lambo би можел да се врати на пазарот и во понудата на Lamborghini да му се приклучи на Urus, кој, сепак, пред се е возило за асфалтни патеки.

Истиот извор ги пренесува зборовите на шефот на Lamborghini – Стефан Доминикали , кој признава дека во Компанијата ја разгледуваат можноста за развој и за лансирање на робустен SUV во духот на легендарниот модел  LM002.

Интересот помеѓу потенцијалните купувачи за таков тип на автомобил, наводно, е многу голем и Италијанците не се сомневаат дека продажбата би се движела во високи бројки за марка каква е Lamborghini.

Доменикали неодамна изјавил дека се разгледува и можноста на лансирање на grand tourer со 2+2 конфигурација на седишта.

Со други зборови речено, наследникот на моделот LM002 би можел да биде четвртиот, или, петтиот модел во понудата на брендот со разгневен бик во логото, во зависност од одлуката што раководството на овој производител ќе ја донесе во врска со ова прашање , односно кој или кои модели ќе влезат во производство.

Доменикали рекол пред лансирањето на четвртиот модел би сакал Lamborghini да ја достигне бројката од околу 8.000 продадени примероци.

Последната, 2018 година е завршена со рекордна продажба од 5.750 испорачани возила,што претставува пораст од 51%, во однос на годината пред тоа (2017) кога се продадени 3.815 единици.

Инаку, аналитичарите прогнозираат продажбата на моделите на Lamborghini и понатаму да продолжи да расте , па затоа и најавената бројка од 8.000 продадени автомобили воопшто не изгледа нереална.

Со оглед на сите овие и слични информации што циркулираат на специјализираните портали, четвртата, а можеби и петата креација на производителот на супер спортски модели од Санта Агата Болонезе имаат големи шанси да влезат во производство и набргу да се најдат на автомобилскиот пазар.

Додека овие најавени новитети (едниот, или пак и двата) не стасаат на пазарите, купувачите на автомобилите од понудата на Lamborghini ќе мораат да бидат задоволни со понудата што е составена од тројката: Huracan, Aventador и Urus.

ПОВРЗАНИ ВЕСТИ

Воената полиција на Русија вежба возачки вештини!

Најбрз блиндирана автомобил на светот !

Polestar и Koenigsegg ќе „танцуваат” заедно!

DMC Ferrari 812 Superfast Spia

Hennessey Performance Jeep Grand Cherokee Trackhawk со1012 KС

Mazda RX-Vision GT3 (2020): Со „огнено крштевање“ на PlayStation повикува на враќање на Wankel мотор

Ќе ја биде – нема да ја биде – Alpine ќе опстане како производител на електрични возила

Spiderman ќе вози Hyundai Sonata

Најпознатиот автомобил на Џeмс Бонд повторно во производство- Цена „боли глава”