Многумина од нас сè уште се сеќаваат на нашето детство и многу драги играчки, мали метални модели на автомобили.
Меѓу нив, автомобилите Matchbox беа секако една од најверните и најквалитетните реплики на различни марки на автомобили, без разлика дали станува збор за Aston Martin DB5 или Fiat 500.
Да се има еден од моделите Matchbox не беше само прашање на добар вкус, туку и прашање на еден вид престиж меѓу, главно, момчињата.
Така е веќе седум децении, а компанијата Mattel, која е и сопственик на Matchbox од 1997 година и на многумина е најпозната по куклите Barbie оваа година ја слави 70-годишнината од овој иконски модел на автомобилски бренд.
За да го прослави, брендот воведува линија на специјално ограничено издание возила, оддавајќи почит на наследството на Matchbox за измислување високо детални и реалистични возила кои инспирирале генерации деца, додека остануваат доверлив бренд за колекционерите.
Прославената линија ќе вклучува специјални возила за 70-годишнината претставени во седум различни асортиман во линијата Matchbox, а сето тоа во чест на платинестата годишнина со посебни платинести детали. Овие избори се комбинација од омилени колекционерски возила и иконски возила кои опфаќаат седум различни децении и региони ширум светот, пренесуваат информативните агенции.
Линијата со ограничено издание е само првата од многуте начини на кои Matchbox ќе се слави, а дополнителните најави доаѓаат во јули тековната 2023 година.
„Возбудени сме што ја прославуваме 70-годишнината од Matchbox и доверливото наследство што брендот го остави за децата и колекционерите ширум светот“, рече Роберто Станичи (Roberto Stanichi), виш потпретседател, глобален шеф за возила во Mattel.
Mattel ќе ја слави својата историја додека вози кон подобра иднина, продолжувајќи ја својата посветеност на одржливоста на производот. За поддршка на оваа заложба, дел од новата колекција ќе биде направена од рециклиран цинк.
Дополнително, Matchbox е посветен на интегрирање на повеќе електрични возила и еколошки теми во производите со визија до 2030 година да ги направи сите играчки и пакувања од 100 проценти рециклирани, или био-базирани пластични материјали.
