Медиумите во Шпанија пишуваат -Познат сопственикот на уникатниот Bugatti

Според медиумите од Пиринејскиот полуостров среќниот сопственик на единствениот произведен Bugatti La Voiture Noire е фудбалската ѕвезда Кристијано Роналдо…

Потсетуваме, хипер автомобилот е претставен на Саемот во Женева, и е единствен примерок на Bugatti La Voiture Noire, што патем ја има и титулата на  најскапиот нов автомобил во светот, со цена од речиси 19 милиони долари.

И тогаш беше објавено дека е продаден но дека името на купувачот е тајна, а во јавноста протекоа шпекулации дека е тоа екс претседател на групацијата VW, Фердинанд Пиех, но шпанските медиуми објавија дека наводно среќниот сопственик на овој хипер автомобил е фудбалската ѕвезда Кристијано Роналдо.

Без разлика на тоа кој е сопственикот на новиот Bugatti, тој ќе мора да почека до 2021 година за компанијата целосно да ја заврши неговата изградба.

 

„Тоа не е конечната верзија на моделот. Ние започнавме да работиме на проектот пред половина година, кога клиентот се согласи со нашиот предлог-проект. Автомобилот ќе биде испорачан само за две до две и пол години,“ изјави Тим Браво, шеф на одделот за комуникации на Bugatti, кој  додаде дека во Женева, хипер автомобилот уште немал внатрешен дизајн.

Моќниот La Voiture Noire е модерна верзија на Type 57 SC Atlantic, задвижуван е од 8,0 литарски со четири-турбин W16 мотор, со 1,479 КС и момент на вртење од 1,600 Nm.

Ако Роналдо навистина е сопственикот на ова возило, тогаш уникатниот Bugatti одлично ќе се вклопи со остатокот од неговата ултра-скапа колекција на автомобили, каде се вбројуваат Veyron Grand Sport, Chiron и многу други егзотични модели.

ПОВРЗАНИ ВЕСТИ

Најпознатиот автомобил на Џeмс Бонд повторно во производство- Цена „боли глава”

Екстремна заштита: Блиндирана G Class што ниту 13 кг. TNT не и можат ништо

Одложено пристигнувањето на Ford Mustang Mach-E во Европа

Новата Mokka: Opel се фокусира на плочките со имињата на моделите

Nissan го лансира специјалниот GT-R50 Italdesign вреден над милион долари !

Alfa Romeo 8C 2300 тркачка икона што знаела само за победи на жешките патеки!

Ралф Шумахер за свој нов автомобил ја избрал Lada Niva

Bentley Bacalar во бои на виножито!

Видео: Porsche 911 Turbo S забрзува до 100 km/h за 1,9 секунди