Надворешни перничиња кај автомобилите од ZF

Пред само неколку месеци ZF го претстави првото надворешно воздушно перниче, а оттогаш компанијата уште повеќе ја подобри неговата технологијата

По претставувањето пред само неколку месеци, сега за прв пат германската компанија ја демонстрира изведбата на нивната технологија што се уште е во развој.

Станува збор за првото надворешно воздушно перниче во светот, односно прототип верзија на истото , што ни овозможува да ги видиме придобивките на новата технологија.

Како што велат од  ZF, страничните судири се едни од најопасните видови на сообраќајни незгоди, кои во Германија се одговорни за една третина од целокупниот број на жртви на патиштата.

Во ZF веруваат дека нивниот нов безбедносен систем ќе спаси животи и ќе го намали бројот на сериозните повреди на патниците дури до 40%.

Тоа ќе се должи на функцијата на системот, кој ќе го намали влијанието од ударот и навлегувањето на возилото во бочниот дел до 30%.

Прототипот се состои од надворешно странично воздушно перниче, кое се отвора неколку милисекунди пред судирот и обезбедува заштита на страничниот дел на возилото.

За да може да работи, ZF го поврзува перничето со сензори поставени по надворешноста на возилото, преку кои со помош на развиени алгоритми кои се способни да одредат дали ударот е неизбежен, се одлучува дали да се активира перничето.

Најголемиот предизвик со кој ZF се соочи при конструирање нај системот, е како да се препознае неизбежниот судир и да се отвори воздушното перниче пред самиот удар.

Системот има приближно 150 милисекунди за да ја донесе одлуката, да го отвори перничено и да го наполни.

Вториот предизвик е поврзан токму со полнењето на перничето, кое е со капацитет од 280 до 400 литри, пет до осум пати повеќе од воздушното перниче на возачот и му треба повеќе време за целосно полнење.

На видеото, надворешното воздушно перниче на ZF функционира добро, но дa почекаме тестовите да бидат направени со вистински сериски автомобили, a не со „автомобили на дување“ …

ПОВРЗАНИ ВЕСТИ

Audi A8 уште по напреден со нова иновација- паметно потпирање!

VW со нов мануелен менувач ќе ја намали потрошувачката за 5%

Внатрешноста на VW ID.3 е многу интересна

Првиот Toyota Prius PHV со соларни панели !

Curtiss Zeus со електромотор и батерии во форма на V8 бенински мотор!

ZF co паметна трансмисија на силата!

De Tomaso P72

Tesla Model 3 „одликаш“ на Euro NCAP

Ducato MY2020 electric: повеќе технологија, поeфикасeн и со поголема вредност!