Кога станува збор за регистрации на целосно електрични автомобили во текот на 2022 година, Tesla е многу пред сите останати.
Во 2022 година, компанијата Теslа испорача повеќе од 1,3 милиони електрични автомобили.
Тоа е 18,2 отсто од целата продажба на електрични возила на глобално ниво, иако уделот на Tesla е намален за речиси 5 отсто во однос на една година пред тоа ( 2021 година). Тоа е знак дека компанијата се шири побавно од сегментот како целина.
Кинескиот BYD значително ја зголеми продажбата на електрични возила во 2022 година, достигнувајќи 913.052 единици и учество од 12,6 отсто во сегментот.
По него следи кинеската SAIC (9,3%), благодарение на заедничкото вложување SAIC-GM-Wuling и неговите микро – автомобили.
Групацијата Volkswagen лани беше четврта со удел од 7,9 отсто, додека во 2021 година беше трета со удел од 10 отсто.
Петти по големина производител во сегментот е Geely-Volvo (5,3 отсто удел), кој го замени Hyundai на таа позиција.
Регистрации на целосно електрични автомобили во 2022 година:
Теslа: 1.314.330 и 18,2% удел
BYD: 913.052 и 12,6% удел
SAIC (вклучувајќи SAIC-GM-Wuling): 671.725 и 9,3% удел
Volkswagen Group: 571.067 и 7,9% удел
Geely-Volvo: 383.936 и 5,3% удел
