Наскоро Wiesmann MF6

Веќе извесно време специјализираните медиуми и познавачи на автомобилскиот бизнис го најавуваат враќањето на Wiesmann, производителот, подобро речено работилница за спортски автомобили од Германија…

Новиот модел на Wiesmann во моментов се води под кодна ознака Project Gecko (но ќе го понесе името MF6), додека пак неговата продажба би требало да стартува во текот на наредната 2020 година.

Како што може да се види од „шпионските“ фотографии, MF6 се одликува со карактеристичен дизајн, препознатлив за марката („ еволуција наместо револуција“), додека, пак, официјалните најави велат дека за погон ќе се погрижи мотор на BMW.

Станува збор за познатиот турбо бензински агрегат со работен волумен од 4,4-литри, со осум цилиндри поставени во форма на латинската буква „V“,  со моќ од 600KS.

Агрегатот доаѓа во комбинација со осум степен автоматски менувач на брзини што силата ја префрла на тркалата од задната оска.

Германците за својата креација наведуваат дека ќе располага, со вообичаено, високи перформанси: забрзување од 0 до 100 km/h за само 3,5 секунди и дека би требало да постигнува максимална брзина од 320 km/h.

Во истата информација е наведено и дека автомобилот ќе користи нова платформа околу која ќе биде изграден, како и тоа дека ќе располага со идеална распределба на масата од 50:50 (напред: назад).

Кога сето ова ќе се земе во предвид, може сериозно да се разберат тврдењата од Wiesmann дека овој пат станува збор за помоќен, по динамичен и по драматичен автомобил од сите што оваа позната компанија ги има досега произведено.

ПОВРЗАНИ ВЕСТИ

Polestar и Koenigsegg ќе „танцуваат” заедно!

DMC Ferrari 812 Superfast Spia

Hennessey Performance Jeep Grand Cherokee Trackhawk со1012 KС

Mazda RX-Vision GT3 (2020): Со „огнено крштевање“ на PlayStation повикува на враќање на Wankel мотор

Ќе ја биде – нема да ја биде – Alpine ќе опстане како производител на електрични возила

Spiderman ќе вози Hyundai Sonata

Најпознатиот автомобил на Џeмс Бонд повторно во производство- Цена „боли глава”

Екстремна заштита: Блиндирана G Class што ниту 13 кг. TNT не и можат ништо

Одложено пристигнувањето на Ford Mustang Mach-E во Европа