Нова марка на EV од Италија

Aehra е нов италијански бренд на електрични автомобили со седиште во Милано.

Компанијата го најави својот влез во сегментот на премиум автомобили со комбинација на италијански дизајн, инженерство од светска класа и услуги за клиенти на американско ниво.

Засега се планирани три модели. Електричниот SUV е планиран за октомври оваа година, а во февруари 2023 година ќе биде претставен и седан. Aehra објави дека испораките на двата модели ќе започнат во 2025 година. Во план е и трет модел, спортски автомобил во конфигурација 2+2 седишта, но не е објавено кога ќе биде претставен.

SUV моделот Aehra ќе се натпреварува со Audi e-tron, Tesla Model X и BMW iX. Компанијата тврди дека нејзиниот модел ќе користи „платформа со најнова технологија за батерии, со целна автономија од најмалку 800 километри и исклучителни перформанси“. Во соопштението за медиумите се наведува дека возилото ќе може да прими четворица NBA играчи со полна висина и дека на средината на задните седишта ќе има место за возрасен висок 180 см.

Истата платформа ќе ја користат теренецот и седанот, а се очекува капацитет на батеријата од 120 kWh. Двата автомобили ќе имаат лесна карбонска монокок шасија за намалување на тежината и проширување на опсегот. Aehra наведува дека нејзините возила ќе донесат „супериорна агилност и уживање во возењето“. Полнењето треба да биде најбрзо во светот на електричните возила, бидејќи планираната архитектура е под напон од 850 V.

Основачот на компанијата, нејзиниот претседател и директор Хазим Нада изјави дека моделите на новата марка првично ќе се продаваат на пазарите во Северна Америка и Европа, а подоцна и во Кина. Највисоката цена на моделот е од 160.000 до 180.000 долари, а целта е да се прават од 20.000 до 25.000 автомобили годишно.

ПОВРЗАНИ ВЕСТИ

Škoda  Enyaq iV кампер

ELegend EL1 и EL2 ќе бидат инспирирани од легендарни спортски автомобили

Tркачки Maserati MC20 GT2

Како е создаден светски препознатливиот архитектонски симбол на Минхен?

Конфискуван Ferrari 458 Italia во чешката полициска флота

Lamborghini Huracan Sterrato

Hopium Machina Vision

Toyota GR86 10th Anniversary Limited

Citroen C3 Aircross Rip Curl