Нова заедничка креација на Ducati и Lamborghini – Diavel 1260

По тизер кампањата, познатиот производител на мотоцикли од Апенинскиот полуостров – Ducati, во соработка со Lamborghini, ја претстави уникатната креација на две тркала, Diavel 1260…

Ducati Diavel 1260 Lamborghini е првиот мотоцикл роден од соработката меѓу Ducati и Lamborghini, ќе биде  понуден во ограничена серија, а инспириран е од Sian FKP 37 суперавтомобилот кој беше претставен во 2019 година.

Со својот изглед кој е далеку поагресивен во однос на стандардниот Diavel 1260,  опремен е со карбонски отвори за воздух и прекривки за радијаторот, а во исти стил, изработени од карбон се и штитници за кал, како и централна прекривка за резервоарот. Карбонот како материјал исто така е искористен и за спојлерот, прекривката за придушувачот и рамката за предниот фар.

Покрај широката употреба на карбонски влакна, мотоциклот ја користи и истата шема на боја како и Sian FKP 37. Како резултат на тоа, моделот има Gea Green тело, кое се совпаѓа со Electrum Gold рамката.

Тука се и 17-инчните тркала и „63“ акцентите, кои оддаваат почит на основањето на Lamborghini во 1963.

Според директорот на Ducati Centro Stile, Андреа Ферарези, „Diavel 1260 Lamborghini е дизајниран користејќи го истиот дизајнерски јазик со кој се истакнува супер спортскиот автомобил, па ги ре дизајниравме елементите кои најмногу го карактеризираат Diavel“.

Како што може да се очекува, мотоциклот е базиран на Diavel 1260 S опремен е со 1,3-литарски мотор со 162 КС и 129 Nm максимален вртежен момент.

Моделот исто така има и целосно подесувачки Öhlins систем на потпирање и Brembo сопирачки систем, а тука е и 3,5-инчниот дигитален инструмент кластер, Quick Shift систем и мултимедија систем кој го конектира телефонот со мотоциклот.

Атрактивниот Diavel 1260 Lamborghini ќе биде достапен набргу, поточно, веќе наредниот месец – во декември, а производството ќе биде ограничено на 630 единици.

Навистина се среќници тие штро ќе успеат да се доберат до оваа прекрасна креација.

ПОВРЗАНИ ВЕСТИ

Полицијата во Милано доби засилување на две тркала

Moto Guzzi со нови модели го слави 100-от роденден

Ducati го произведе 350.000-от Monster

EICMA ги објави датумите за 2021 година

Претставена MV Agusta Superveloce Alpine – во лимитирана серија

BMW електричен концепт со странична приколка

SYM EF3 претстави електричен скутер

Новиот BMW S1000R

BMW Motorrad Definition CE 04