Новата Fiat Panda Waze, еволуција на нај социјалниот градски автомобил!

Нов лик, нови мотори за посебнава серија меѓу кои и 0,9-литри TwinAir со 85 KS и во 4×2 верзијата, нови шест варијанти на две бои на каросерија, украсни Waze значки, блескави црни детали, фелни во две бои од 15 инча, потврда за интеграција на  Waze апликација за навигација во Panda U-Connect апликација..

Новата Panda Waze еволуција на нај поврзаниот на социјални мрежи, досега, градски автомобил пристига во салоните на Fiat.

Успехот на првата верзија, особено помеѓу помладите возачи, веќе во првата година е потврден со придонесот кон растот на продажбата на Cross изведбата на Panda во Европа од 45 %.

Fiat Panda не случајно е најпродаваниот градски автомобил во Европа веќе 15 години и апсолутно најпродаван автомобил во Италија од 2012 та.

Новото посебно издание се издвојува по „Waze значката над предните калници и новата, по прв пат достапна комбинација на две бои на каросерија. Црн покрив може да дојде во комбинација со другите бои од палетата, конкретно со Gelato White (бела), Giotto Blue (сина), Sole Yellow (жолта), Moda Grey (сива), Amore Red (црвена) и метално сива – Colosseo Grey.

Како впечатлив контраст на надворешноста, овој автомобил има блескаво црни детали на заштитната плоча, рачките на вратите и куќиштата на ретровизорите.

Севкупниот изглед го заокружуваат фелните во две бои со големина од 15 -инча.

Од друга страна, внатре се седишта преслечени со црна ткаенина, a шевовите се во бела и зелена боја што на ентериерот му даваат младешки и динамичен стил.

Една од поголемите новини е дополнувањето во моторната понуда со агрегат со волумен од  0,9-литри –TwinAir со моќ од  85 KS во комбинација со мануелен менувач на брзини што силата ја пренесува на тркалата од предната оска  и е гарант за уживање во динамично, но воедно и економично возење, како и одлично ниво на удобност, дури и при повисоко ниво на вртежи.

Палетата на мотори вклучува и 1,2-литри бензинец со 69 KS, со мануелен менувач на брзини и пгон на предните тркала, како и бензинец од 0,9-литри- TwinAir  со 85 KS, со мануелен менувач и погон на сите четири тркала.

Новата Panda Waze се надоврзува на тренд технологијата едноставна за користење што стартува во 2018 година со појава на првиот градски автомобил во сегментот што понудил интеграција со познатата Waze апликација за навигација, во склоп на Panda U-Connect апликацијата.

Таа дигитална комбинација, развиена од Mopar – бренд во рамките на FCA групата задолжен за производи и услуги што се купуваат откако автомобилот ќе излезе од погоните на фабриката – е пред останатите поради големиот број на услуги што се вклучени во цената на автомобилот.

ПОВРЗАНИ ВЕСТИ

Четврта генерација Škoda Fabia (MY 2021) го покажа својот лик!

Новата Opel Insignia сјае со новата генерација на IntelliLux LED пиксел светло

Четвртата генерација на Audi A3 Sportback пристига вгодина!

Пристига Citroen C3 Aircross C-Series edition!

Во 2020 Opel Insignia добива освежување

Подновен Jaguar F –Type за 2021

Porsche 911 Hybrid над сите Porsche 911!

Audi RS 3 (МY 2021) со 410 KS

Прекрасниот crossover новиот Kia Xceed пристигна во Скопје