Нови фотографии и детали за Škoda Octavia Combi

Од Škoda и во овие теши услови на глобална пандемија маркетинг тимот работи со полна пареа и го задржува фокусот на јавноста на новата генерација на нивниот бестселер и најпродаваниот европски караван Octavia Combi со нови фотографии и детали…

Од Škоda објавија нови фотографии за својот бестселер Octavia, а сега фокусот е на верзијата Combi што на пазарот ќе се појави пред седан верзијата.

Новата генерација на Octavia за прв пат може да се пофали со хибриден погон, но во понудата ќе се најде и стандардната бензинска, како и дизел верзија, но и верзија која ќе се движи на компримиран природен гас.

Верзијата Combi ќе биде првата што ќе се појави на европскиот пазар оваа пролет, со оглед на тоа дека е попопуларна од останатите два вида на каросериски верзии. Караванската верзија на Octavia во претходната генерација беше најпродаваниот вагон во Европа.

Како што е случајот и со новите Seat Leon, VW Golf и Audi A3 кои исто така се поставени на MQB Evo платформата, така и четвртата генерација на Škoda Octavia Combi е уште пософистицирана од претходно.

Новата генерација на Octavia доаѓа со широк спектар на погонски склопови со моќност помеѓу 109 и 201 КС.

На врвот на понудата е plug-in хибридната верзија Octavia iV кој се напојува со комбинација на 1,4-литарски TSI бензински мотор со електричен мотор и 13 kWh батерија за комбинирана моќ од 201 КС.

Хибридниот погонски систем со едно полнење на батеријата ќе може да понуди возење само во електричен режим од околу 60 км.

Инаку, покрај стандардниот хибрид Octavia iV, тука е и перформанс верзијата Octavia RS iV.

Дизајнот на новата генерација на Octavia е револуционерен, а истото важи и за пространоста на моделот. Škoda ги промени димензиите на својот автомобил, правејќи го подолг и поширок од својот претходник.

Tоa резултира со поголем простор за патниците на задната клупа и поголем простор во багажникот, кој според капацитетот од 640 L (караван верзија) е најголем во сегментот.

Внатрешноста e речиси целоснo обновена, со нова инструмент табла и централен екран со димензии од 8.25 до 10 инчи, како и опционален 10.25-инчен Virtual Cockpit, oдносно дигитален инструмент кластер.

Тука е и новиот управувач со два крака и нови контролни копчиња.

Бројот на опциите во опремата е поголем од било кога, а вклучува и Ergo седишта со масажери и вентилација, head-up екран, греење на предното стакло, Climatronic со дејствување во три зони…

Новата Skoda Octavia Combi ќе се појави во продажба оваа пролет, по што ќе следува и хечбек верзијата неколку недели подоцна

ПОВРЗАНИ ВЕСТИ

Освежениот Hyundai Santa Fe пристигнува со plug-in хибриден погон

Baojun E300 и E300 Plus – електрични автомобили со цена помалку од 10.000 долари!

  Vision T: нови детали за концептот од Јужна Кореја

Претставени перформанс изведбите Audi e-Tron S и e-Tron Sportback

И официјално BMW M3 и M4 завршни тестирања, брусење на патека…

Nissan со нов видео тизер за Ariya пред премиерата на 15 јули

Низ Ineos Grenadier тече „крв” на  off- road иконата- Defender

Официјално обновен Tiguan – најпосакуваниот модел на VW

Обновена Bentley Bentayga-2021