Нови тизери за подновениот Hyundai т i30 пред неговото дебито во Женева

Подновениот модел од компактната класа на производителот на автомобили од Јужна Кореја Hyundai ќе биде официјално претставен на почетокот на март, годинава на претстојниот салон за автомобили на брегот на Женевското езеро…

Во Hyundai не го намалуваат темпото на обнова на комплетната нивна понуда на европскиот пазар. и во тоа темпо продолжуваат, по новиот i10 и најавата за следната генерација на моделот i20, сега на ред е и дотерувањето на претставникот од С сегментот од Јужна Кореја, моделот i30.

Фејслифтингот на моделот i30 веќе е завршена, а Hyundai ја објави и првата тизер фотографија за тоа што ги очекува љубителите на корејскиот бренд на саемот во Женева, каде што ќе биде глобалното деби пред пошироката јавност.

Прикажаниот модел на i30 е во најпрестижниот пакет на опрема со ознака N Line, па така дотеран и освежен Hyundai i30 делува навистина поатрактивно одошто досега.

Во преден план се поагресивните линии на предниот дел од возилото, каде е променет изгледот на одбојникот, дневните светла се вметнати во остатокот од светлосните групи, а тука се и поголемите вшмукувачи  за воздух како и изменетата решетка на маската на ладилникот .

Иако Hyundai не објави официјални фотографии од задниот дел од возилото, но врз основа на тоа што можеше да се забележи претходно на шпионските фотографии кои кружеа на интернет, може да се заклучи дека и задниот дел ќе претрпи промени, а тоа најнапред би се однесувало, на обликот задниот браник како и на светлосните групи.

Јужнокорејската компанија потврди дека освежениот i30 ќе има и поголем избор на тркала, со големина од 16, па до 18– инча.

Освен надворешноста, со ре-стилизација е опфатена и внатрешноста на автомобилот и i30 ќе добие дигитална инструментална табла, како и 10,25-инчен екран чувствителен на допир за контрола на информативно забавниот систем.

Исто така, се очекува и рестилизираниот i30 N кој ќе добие освежување и кој конечно би можел да го добие долго очекуваниот автоматски менувач со двојна спојка кој во Hyundai го најавуваат веќе подолго време.

Освен тоа производителот на возила од Јужна Кореја има планови и за имплементирање и на погон на сите четири тркала, пред се да може да му конкурира на идниот Volkswagen Golf R од осмата генерација на иконата од Волфсбург.

Но, како што сега за сега стојат работите за тоа нема никакви најави, па останува да бидеме трпеливи и да почекаме до саемот во Женева, а можеби и по него.

 

ПОВРЗАНИ ВЕСТИ

Maserati Grecale пристигнува 16 ноември

Aura EV – футуристички двосед на струја со голема автономија

Идната генерација на Dacia Duster -хибриднa, но и натаму пристапна

Toyota Corolla Cross GR Sport

Во Zenvo Automotive планираат хибриден супер автомобил

Претставен Nissan GT-R:ексклузивна верзија за најсреќните

Citroen C5 Aircross Black Edition

Geely Vision X6 Pro

Претставен BYD Ocean-X Concept