Новиот Alfa Romeo 8 C – Hybrid co 800 KS

Во рамките на планот за развој на производителот од Италија за петгодишен период од 2018, до 2022 година, како еден од главните адути истакнат е новиот Alfa Romeo 8C, што со напредна хибридна технологија ќе испорачува моќ од дури 800 KS…

Првите рендери со можниот изглед ги презентира угледниот портал за автомобилизам Motor1.com, a веќе на прв поглед се гледа дека новиот Alfa Romeo 8C ќе биде под големо влијание на дизајнерите од Маранело.

Имено, технологијата на Ferrari во најголема мера се наоѓа под прекривката од лим на автомобилот од Милано.

Тоа, всушност, е и логично бидејќи веќе долго време се нижат најавите за разни жешки модели на Alfa Romeо што ќе користат хибридна технологија. А, Ferrari веќе има богато искуство на тоа поле.

Пред се од настапите во Formulа 1, но и во конструирање на болиди за јавни патишта каков што е на пример Ferrari LaFerrari.

Само како потсетување ќе навееме дека пред неколку месеци се најавени top-gun Alfa Romeo Giulia Coupe, односно Alfa Romeo GTV, како што официјално ќе се викаат.

Ќе бидат со хибриден погонски систем, a вкупната сила од 641 KS ќе ја црпат од комбинацијата на турбо бензинецот со работен волумен од 2.9-литри со шест цилиндри поставени во форма на латинската буква V и електомотор.

Ист set-up ќе користи и новиот Alfa Romeo 8C, но со нов турбо полнач и цо всисниот и системот за издув, како со посилен електромотор ќе располага со комбинирана сила од дури 800 KS.

На тој начин Alfa Romeo ќе се позиционира веднаш до , или само едно скалило под, моделите на Ferrari, a ќе може рамноправно да се спротивстави на било кој супер спортист во светот…

Иако на официјалната презентација на пет годишниот план на работење на компанијата е истакнато дека Alfa Romeo 8C ќе забрзува од 0 до 100 km/h за помалку од три секунди, со оглед дека наместо најавените 700 ќе развива 800 КЅ би требало да се очекува дека катапултирањето од место до 100 km/h ќе биде околу или дури под 2,5 секунди!.

 

ПОВРЗАНИ ВЕСТИ

Руси и се е можно – Од Bentley направил тенк!?

Обновен Citroën Scarabee d’Or првото возило што ја минало Сахара!

BMW i3 -хит за полицајци пожарникари и итна служба…

Баварците ја одбележуваат 35 годишнината на Series 5 со лимитирано издание

Renault Zoe такси што самостојно вози!

Книгата за брендот Bentley поскапа од автомобил на оваа марка!

Посебна серија Smart ForTwo FCE #21- за збогување со бензинците

Porsche Driving Expеrience-нова авантура и промоција на новиот 911 во Македонија

Alfa Romeo Stelvio Quadrifoglio со најдобри времиња на три патеки во Британија