Освежување за Audi RS4 Avant со V6 и 444 КЅ

Audi го претстави освежениот  RS4 Avant, кој како модел за 2020 година доаѓа со изглед многу сличен на својот поголем брат RS6 Avant што е само бонус плус во засилување на офанзивата во неговиот сегмент…

Освежената верзија на Audi RS4 Avant е веднаш препознатлива и се разликува од моделот во заминување по ажурираните LED предни светла и опционалните матрикс LED светла со затемнети рамки, надополнто со ревидираната предна Singleframe решетка, што сега е со поширока но пониска форма, со сјаен црн саќе дизајн.

Во страничниот дел, измените се тешко забележливи, но компанијата вели дека лаковите на предните и задните тркала се 30 mm пошироки од обичните модели на A4 Avant.

Во задниот дел нов е браникот, дифузорот со огромните два издувни цевки и ажурираните светлосни уреди.

Внатрешноста, во центарот на управувачката табла поставен е 10,1-инчен MMI екран на допир, а пред возачот се наоѓа прекрасниот Virtual Cockpit дигитален инструмент кластер, додека управувачот е засечен на дното и обложен со материјал од Алкантара.

Кога говориме за погонската единица под моторниот капак, освежениот Audi RS4 Avant доаѓа со добропознатиот 2,9 литарски турбо бензинец со шест цилиндри во  V конфугурација, надграден со две турбини, со моќност од 444 КЅ и 600 Nm вртежен момент.

Тоа е доволно за топ перформанси: забрзување од 0 до 100 km/h за само 4,1 секунда.

Продажбата на спортскиот караван низ цела Европа ќе започне подоцна овој месец, а првите импортери ќе започнат со испорака во декември, со цена во германија, од  81.400 евра.

ПОВРЗАНИ ВЕСТИ

Toyota Ultra-Compact BEV во 2,5 m спакуван автомобил на батерии!

Нова Škoda Octavia официјални скици

Наскоро нова Toyota Yaris

Honda наскоро ќе го „открие“ новио Jazz

Конечно вака изгледа новиот VW Golf8, a дебитира за една недела!

Подновен успешниот комерцијалист – Fiat Talento

Porsche Taycan 4S –  „поевтина“ ентри верзија на електричниот тркач

Претставена Toyota Mirai concept

Toyota RAV4 Plug – in Hybrid