Паѓа последниот бастион на возачите: Autobahn со лимит 130 km/h!?

Се чини дека и последниот отворен пат со делници без лимитирање на брзината ќе стане историја, или можеби не ? Се е во рацете на политичарите…

Сепак се уште не се знае дали со предлогот на зелените активисти во Владата ќе се согласат најголемите партии во парламентот CSU и SPD, или пак истиот ќе го отфрлат и ќе ја сочуваат „слободата“ на возење во однос на максималната брзина  …

Сето ова по малку потсетува на познатата поговорка : на се што е добро му доаѓа крај, па од тоа не е исклучок и оваа приказна. Владата во Германија го одби предлогот за лимитирање на брзината на германските автопати, но тука приказната не завршува.

Партијата на „Зелените“, сега темата за лимитирање на брзината на 130 km/h на Autobahn ја пресели во парламентот каде е под голем знак на прашање како ќе помине, пишуваат специјализираните магазини.

Имено, познато е дека на делови на автопат во Германија нема ограничувања на брзините, a Зелените сакаат на таа пракса да и дојде крајот и тоа пред се од еколошки , а потоа и од безбедносни причини.

Во коалицијата што владее нема „хорско пеење“, односно не е заземен единствен став, министерот за сообраќај Андреас Шеуер (Andreas Scheuer) од партијата CSU е против ограничувањето, a во другата голема партија во власта, SPD на ограничувањето на брзината едноставно речено гледаат благонаклоно.

Останува да почекаме и да видиме дали CSU и SPD сепак ќе се договорат и ќе го отстранат овој предлог за закон за лимитирање на брзината на Autobahn поднесен од Зелените.

Исто така и синдикатот на полицајците го изнел својот предлог.

Имено тие се на ставот дека во нивниот домен не се еколошките прашања, но потенцирале дека сакаат да има ограничување на брзините, пред се поради безбедност во сообраќајот.

Каква ќе биде одлуката на парламентот зависи од договорот помеѓу политичарите.

ПОВРЗАНИ ВЕСТИ

Најавен модерен Porsche 914

Lada Niva на Nirburgring

Дизајнерот на Audi e-tron станува шеф на дизајнот на Bentley

Huber ERA тјунинг пакет за Lamborghini Aventador

Наскоро и Smart co SUV модел

По Renault 5 и Renault 4 се враќа како електричен автомобил!

Нова Lada Niva најавена за 2024

„Камбек“ на Renault 5 како  целосно електричен автомобил деби во 2025

Снаодлив возач успеал да оспособи за возење тешко хаварисана Škodа