PSA се подготвува за планирано спојување со Fiat-Chrysler, а некои од моделите што би можеле да престанат да се произведуваат се Peugeot 108 и Citroen C1
PSA во моментов е во процес на преиспитување на некои од своите стратегии, бидејќи наскоро ќе се спои со Fiat-Chrysler кога ќе се формира Stellantis.
Како дел од преуредувањето, францускиот производител најверојатно ќе се збогува со своите два најмали автомобили на европскиот пазар.
Иако во моментот ништо не е сигурно, извештајот на Automotive News, притоа повикувајќи се на три извори на Reuters, тврди дека Peugeot 108 и Citroen C1 се соочуваат со исклучувања oд понудата поради слабиот интерес за истите на пазарот, но и поради еко-нормите.
Поради строгите еколошки норми, производителите на автомобили сметаат дека е сè поскапо и потешко да се продаваат возила во овој сегмент со мотори со внатрешно согорување, бидејќи им е потребен скап систем за филтрирање на издувни гасови за да бидат во согласност со законот.
Едноставно кажано, ваквите автомобили повеќе не се економски исплатливи за производителите, па затоа не е изненадувачки што стануваат се почести шпекулациите во оваа насока на заминување на овие модели на депото на историјата.
