Почна сериското производство на електричниот VW ID.3

Како што пренесуваат светските агенции, германската автомобилска групација Volkswagen  и официјално, вчера, стартува со сериското производство на својот електричен автомобил „ID.3“, во склоп на нејзините настојувања да стане светски лидер во областа на e- мобилноста…

Церемонијата за стартување на фабричкото производство, е одржана во фабриката на Volkswagen во градот Цвикау (Zwickau) , во Германија, а на истото присуствувале , помеѓу другите и: извршниот директор на VW Херберт Дис и канцеларката на Германија Ангела Меркел, пренесува CNBC.

Во пригодниот говор Дис, помеѓу другото рекол дека моделот ID.3 дава „важен придонес во развојот не e-мобилноста“.

„ Ќе направи еколошката индивидуална мобилност стане достапна на милиони луѓе и пресвртница е за нашата компанија на патот кон климатска неутралност до 2050 година“, дополнил првиот човек на VW Group.

Инаку ID.3 би требало да биде лансиран речиси „едновремено“ на пазарите на Стариот континент во текот на летото наредната 2020 година, при што основната верзија на моделот ќе биде пласирана по цена помала од 30.000евра, во Германија.

Погонот во Цвикау во моментов минува низ трансформација – од фабрика за мотори на внатрешно согорување во фабрика каде ќе се произведуваат само електрични возила.

Во реконструкцијата на фабриката, компанијата Volkswagen вложува 1,2 милијарди европски банкноти, a истата, како е соопштено, од 2021 година ќе има капацитет за годишно производство на 330.000 возила на електричен погонски систем.

Германскиот автомобилски гигант VW планира да лансира „речиси 70 нови електрични модели“  до 2028 година, a од Компанијата во март тековната 2019 година  најавија дека ќе потрошат повеќе од 30 милијарди евра на електрификација на нивното портфолио на возила до 2023 година.

Покрај тоа, од VW, минатата недела соопштија дека нивните приходи од продажбата, во период од јануари до септември, достигнале износ од 186,6милијарди евра, што е за 6,9 проценти повеќе одошто во истиот период минатата 2018 година.

ПОВРЗАНИ ВЕСТИ

Honda глобално повлекува над еден милион возила!

Неизвесна судбината на Mitsubishi  на европскиот пазар

VW инвестира две милијарди евра во EV

Салонот за автомобили во Женева можеби засекогаш замина во историјата!

Германија – Преполни плацови со нови возила купувачите претпазливи

На глобално ниво Renault отпушта 15.000 работници!

Пазарот во Германија полека заздравува

Пресврт: РКЕ со одлука за поевтинување на горивата од полноќ!

Продолжува окрупнувањето во авто- индустријата: Алијанската меѓу Ford и Volkswagen се официјализира