Porsche тврди дека EV може да бидат попрофитабилни од термичките

Многу производители на автомобили ги преиспитуваат своите стратегии и инвестираат милијарди долари во технологии за електрични возила, но (повеќето од нив) допрва треба да постигнат пристојна маржа на продажбата на ЕV.

Еден од водечките играчи на ЕV во индустријата, сепак, верува дека оваа точка ќе се достигне прилично брзо.

Главниот финансиски директор на Porsche, Луц Мешке (Lutz Meschke), зборуваше на Денот на пазарoт на капиталот на Porsche минатата недела и рече дека компанијата со седиште во Штутгарт очекува да постигне паритет помеѓу маргините на електричните возила и моделите со погон на внатрешно согорување за околу две години. За околу пет години, Мешке очекува да се зголемат маржите на ЕV бидејќи клиентите се среќни да платат повеќе за новите технологии, пренесува Motor1.

Глобалната прогноза на Porsche е дека околу половина од сегментот на луксузни автомобили ќе оди на електрични возила до крајот на деценијата. Овој производител сака да биде пред конкуренцијата и да продаде околу 80 отсто од целосно електричните Porsche до 2031 година.

„Нашата цел е селективно да се прошириме во сегменти со повисока маржа и да ги искористиме можностите за цените за електричните возила“, рече извршниот директор на Porsche, Оливер Блуме (Oliver Blume). Сепак, 911 со погон со внатрешно согорување останува најпрофитабилниот модел на Porche, победувајќи го електричниот Taycan.

Porsche засега има само еден чисто електричен модел на продажба, споменатиот Taycan и тоа во различни верзии. Наскоро, верзијата на Macan со нула емисии ќе се приклучи на гамата, иако таа беше одложена поради софтверски проблеми со кои моментално се соочува групацијата Volkswagen. Во иднина, Porsche сака да биде одговорен за софтверот на своите автомобили, но Macan EV сега се очекува да се појави дури во 2024 година.

Наскоро ќе пристигне уште едно целосно електрично Porsche, кое ќе има форма на поголем и полуксузен SUV.

ПОВРЗАНИ ВЕСТИ

Кинезите за 2023 ветуваат електричен автомобил со досег од 1000 км

Suzuki и Toyota заеднички прават електричен SUV

Електричен Chery QQ Wujie Pro

Дополнителна опрема направена по мерка за Opel Astra и Astra Sports Tourer

Lincoln Model L100 Concept

R5 TURBO 3E, Роден за дрифт

XPeng од Кина овозможува полнење на EV батериите двојно побрзо одошто Tesla

Moskvich ќе развие сопствена платформа за електрични возила

Dacia сврте нов лист