Praga, чешкиот производител на мотоцикли, го претстави новиот ексклузивен модел ZS 800.
Мотоциклот ZS 800, за кој компанијата тврди дека е модерна верзија на иконата Praga BD 500 од 1928 година, е ограничен на само 28 единици.
Зад него стои истиот инженерски тим кој го изгради хипер автомобилот Praga Bohema.
Со рамка од хром молибден челик издувен систем изработен од титаниум, вклучувајќи уникатни карбонски тркала, Praga ZS 800 тежи само 142 кг.
Мотоциклот го придвижува паралелен двоен SOHC мотор со 4 вентили, со работен волумен 773 кубни сантиметри, кој испорачува моќност од 50 КС и 65 Nm максимален вртежен момент.
Моќта се испраќа до задното тркало преку петстепен менувач со финален погон на синџирот.
Сопирањето се врши преку хидраулични барабан сопирачки од 200 mm на предните и задните тркала, испуштајќи ги конвенционалните диск сопирачки кои обично се наоѓаат кај современите машини.
Ретро карактеристиките се прошируваат и на суспензијата со челични шипки напред и тврда суспензија на задната страна.
Сепак, и двете компоненти се испорачуваат од Ohlins.
Според Praga, испораките на ZS 800 ќе започнат кон средината на оваа година, а препорачаната продажна цена на оваа ексклузивна машина изнесува околу 85.000 евра.
