Веднаш откако Ford го прекина производството на Fiesta минатата година, некои извештаи од британски извори посочија дека останува можноста Fiesta да се врати на сцената еден ден, но во електрична верзија…
Сега се појавија некои нови детали кои ги откриваат плановите на Ford да ја замени Fiesta со електричен еквивалент. Ford Fiesta згасна од производство во јули 2023 година по 47 години и седум генерации, за да се направи место за новиот електричен SUV Ford Explorer (заснован на MEB платформата на Volkswagen) да го замени на производната линија во фабриката на Ford во Келн во Германија.
Новата палета на помали и попристапни електрични модели на Ford треба да ја користи идната архитектура „skunkworks“ на која компанијата има за цел да ги произведе најефикасните електрични автомобили во светот.
Оваа нова платформа, чиј развој го води поранешен инженер на Tesla, би можела да ги поткрепи духовните наследници на Fiesta и Focus и замена за Puma, како и да го отвори потенцијалот за други мали автомобили од Ford.
Програмата е сè уште во инженерска фаза, но тоа е првиот конкретен знак дека Ford гледа начин да понуди цел пакет на подостапни модели под новите SUVs Explorer, Capri и Mustang Mach-E покрај Puma. „Поминуваме пристојно време на корпоративно ниво зборувајќи за достапноста“, изјави неодамна за Autocar Марин Ѓаја (Marin Gjaja), главен оперативен директор на одделот Мodel Е на Ford.
„Знаеме дека треба да го направиме тоа и тоа е мускул што треба да го изградиме со текот на времето. „Ако ја погледнете нашата понуда на глобално ниво, во моментот немаме многу во сегментот со пристапни цени. Клучот за нас е да бидеме достапни, диференцирани и профитабилни. Предолго останавме во сегментот на прифатлива цена, или на работ да се скршиме или да изгубиме пари. „Прашањето е: Како се натпреварувате во тој сегмент, особено ако имате многу евтина производствена локација како Кина, која произведува возила со пристапни цени?
„Тоа е дилема. Нема сомнеж дека ако сакаме да бидеме вистински масовен бренд, сакаме луѓето да се префрлат на возило како Explorer. Тоа е она што го правиме во САД со прифатлива платформа и нема причина таа платформа да не може да создава производи и за Европа“.
Архитектурата ќе се користи и за замена на Puma. Неизбежно би бил електричен модел и би послужил како замена за електричната варијанта на Puma, која ќе се приклучи на гамата подоцна оваа година. Првиот автомобил базиран на новата платформа – кој прво ќе биде лансиран во САД – ќе пристигне „кон крајот на 2026 или почетокот на 2027 година“, рече Ѓаја.
Коментарите на Ѓаја за достапноста влеваат надеж, како и очекувањата дека Puma нема да биде единствениот Ford под Explorer. Бидејќи Explorer е долг 4,5 метри и почнува од 40.000 британски фунти, има многу простор одоздола за другите модели да се придружат на Puma. Сепак, како и сите нови Ford модели во иднината, какви и да произлезат модели од новата архитектура нема да бидат со конвенционална форма и големина и ќе бидат „диференцирани“ во нивните сегменти, вели Ѓаја.
Кога вестите за новата архитектура за прв пат беа откриени во февруари, извршниот директор на Ford, Џим Фарли (Јim Farley), рече: „Сите наши тимови за ЕV се немилосрдно фокусирани на трошоците и ефикасноста на нашите ЕV производи, бидејќи конкуренцијата ќе биде прифатлива Теslа и Кинезите“.
Гјаја рече дека новата архитектура најверојатно ќе користи технологија на батерии со литиум железо фосфат (LFP), која брзо станува доминантна кај електричните возила. „Тоа е многу попристапна технологија и исто така е многу издржлива“, додаде тој. Ана Лена Стригел (Anna Lena Strigel), директорка за продажба во Ford Model Е во Европа, рече дека Ford во иднина ќе има „помало, повеќе насочено портфолио“ на модели и дека „нема да цели само кон волумен“.