Продажбата на VW Group во драстичен пад во однос на минатата година

Продажбата на Volkswagen Group падна за околу една петтина во првата половина од оваа 2022 година во споредба со претходната 202, покажаа податоците на компанијата…

Вкупните испораки на клиентите ширум светот паднаа за 22,4 отсто во вториот квартал од 2022 годината. исто време, Централна и Источна Европа, вклучително и Русија, беа најтешко погодени со пад од 49,3 отсто.

Volkswagen ја прекина продажбата и производството во Русија во март. Неодамна им понуди исплати на вработените за доброволно  давање (прифаќање) на отпуштања на една од нејзините локации во Русија до крајот на годината.

Синдикатот претходно овој месец објави дека локацијата трајно се затвора. Додека продажбата во Русија сочинуваше само околу 2 отсто од вкупната продажба на автомобили во 2021 година, војната предизвика прекини во синџирот на снабдување во европската автомобилска индустрија. Има и инфлација која влијае на испораките низ регионот.

Продажбата на Volkswagen во Западна Европа падна за 25,7 отсто во вториот квартал, покажуваат податоците од петокот.  За разлика од Европа, Кина и Америка забележаа поумерен пад од околу 16-18 проценти.

Испораките на електрични возила со батерии (BEV) се зголемија за нешто повеќе од една четвртина на 217.100. Тие сочинуваат 5,6 отсто од вкупната продажба, главно поддржана од значителниот раст во Кина.

Европа, позната како традиционално најсилниот пазар на Volkswagen за електрични vozila na батерии, забележа пад од 16,5 отсто во продажбата на BEV во вториот квартал.

Сепак, продажбата во Кина се зголеми повеќе од двојно. Во првата половина од годината, продажбата на BEV на Volkswagen во Кина се зголеми за повеќе од тројно од минатата година на 63.500 единици, соопшти компанијата.

 

Сепак, производителот на автомобили многу заостанува зад локалните конкуренти и Tesla во Кина.

Volkswagen продаде околу пет пати помалку од Tesla и 10 пати помалку од домашниот производител на електрични возила BYD во ма годинава.

ПОВРЗАНИ ВЕСТИ

Победничкиот болид на Шумахер Ferrari F300 на аукција

Новата генерација на Ford Mustang пристигнува следниот месец!

Stellantis ја раскинува „дружбата„ со кинескиот партнер GAC

Трет триумф на Марко Блажевски во Twingo Cup

Honda размислува за враќање во F1

Нов тркачки викенд на Twingo Cup на Гробник со рекорден број возачи

Наспроти сите други производители Dacia со раст на продажбата во првото полугодие

Цените на горивата продолжуваат да одат „горе – долу“

Електричниот Ford Bronco  пристигнува во Европа но само во ограничена серија