Првиот целосно електричен автомобил на Lamborghini нема да биде SUV, како што сугерираа некои претходни неофицијални информации, туку grand tourer со четири седишта.
Ова го потврди и извршниот директор на компанијата Стефан Винкелман (Stephan Winkelmann). „Тоа ќе биде нов стил на каросеријата, бидејќи она што денес недостасува во гамата е GT 2+2 и мислам дека ова ќе биде добар додаток на двата супер спортски автомобили и SUV моделот“, изјави Винкелман за Motor1.
Извршниот директор прецизираше дека возилото нема да има никакви теренски аспирации, за разлика од Urus.
Гласините еднаш сугерираа дека новото возило би можело да биде уште еден SUV, откако Lamborghini објави дека ќе има поголем клиренс во споредба со нивните суперавтомобили.
Сепак, не е потребно многу за да се добие поголем опсег од Huracan, па се чини дека сето ова значеше дека EV ќе биде подобро прилагоден на локални патишта отколку на тркачки патеки.
Главниот технолошки директор на Lamborghini, Рувен Мор (Ruven Mor), на почетокот на оваа година изјави дека моторите со внатрешно согорување со хибридна електрична помош сè уште се најдобрата опција за супер автомобили, наместо за целосно електрични возила.
„Во однос на суперспортски автомобил, веруваме дека сега не е вистинското време, а исто така веројатно во следните пет или шест години нема да биде вистинското време бидејќи сакаме да ја избегнеме оваа дополнителна тежина“, рече Мор во јануари.
„Сакаме да избегнеме перформансите силно да зависат од полнењето и температурата на батеријата.
Сепак, тој појасни дека на пазарот се уште има место за електрично Lamborghini, кое го опиша како автомобил ориентиран кон клиентите.
Останува многу мистерија за новото возило, а веројатно има уште многу да се одлучи, бидејќи се очекува да биде лансиран во 2028 година.
Возилото ќе биде голем чекор во амбициите за електрификација на Lamborghini, бидејќи планира да го електрифицира секој од своите модели до 2024. и да ги преполови своите емисии на CO2 до 2025 година.
