Recall за електричниот Mercedes-Benz EQC

На вонреден сервис во Daimler повикува некои од новите електрични модели на Mercedes-Benz EQC поради можен неисправен навој во диференцијалот на предната оска, објавиле од Компанијата …

Вo Daimler AG утврдиле дека на поедини примероци на моделот EQC навојот во диференцијалниот пренос на предната оска може да не ги исполнува спецификациите за издржливост.

Значи постои опасност навојот да се скрши во рок на неговиот животен век, велат од Mercedes.

Дефектот може да го прекине преносот на моментот на вртење на предната оска,што може да го запре возилото.

Покрај тоа, ако делови од скршениот навој се заглават внатре во диференцијалот тоа би можело да влијае на способноста на управување со возилото, а така и да го зголеми ризикот од судир, информираа од Daimler.

Потсетуваме, Mercedes-Benz е нивниот прв електричен автомобил (станува збор за компактен crossover со ознака EQC 400 4MATIC) кој е дел од EQ семејството.

Инаку тоа е прв од палетата од 10 целосно електрични возила што  Mercedes треба да ги лансира на пазарот веќе до средината на идната деценија – 2025 година.

Познатата индустриска публикација во Германија – KFZ betrieb, која инаку прва ја објави оваа неатрактивна вест со елементите кои се причина за отповикот (вонредното повикување во овластените сервиси на Mercedes Benz ) во својот напис исто така најави и дека станува збор за околу 1.700 возила што ја имаат спомнатата мана!.

Иако станува збор за проблем што може сосема едноставно да се реши, од  Daimler, сепак одбиваат да ја коментираат бројката на потенцијално проблематичните електрични crossover модели.

Имено, тие ниту велат дека таа е пониска, ниту дека е поголема, едноставно за тој податок владее молк.

ПОВРЗАНИ ВЕСТИ

Honda глобално повлекува над еден милион возила!

Неизвесна судбината на Mitsubishi  на европскиот пазар

VW инвестира две милијарди евра во EV

Салонот за автомобили во Женева можеби засекогаш замина во историјата!

Германија – Преполни плацови со нови возила купувачите претпазливи

На глобално ниво Renault отпушта 15.000 работници!

Пазарот во Германија полека заздравува

Пресврт: РКЕ со одлука за поевтинување на горивата од полноќ!

Продолжува окрупнувањето во авто- индустријата: Алијанската меѓу Ford и Volkswagen се официјализира