Во ерата на crossover модели, Renault е решен да им понуди на клиентите алтернатива со тоа што ќе го одржи во живот сестраното возило….
Француската компанија на саемот во Минхен го претстави новиот Grand Kangoo кој нуди максимална практичност по прифатлива цена. MPV-то на Renault е базирано на третата генерација на моделот Kangoo, кој се појави во 2020 година, а доаѓа со модуларен ентериер во кој се сместени седум индивидуални седишта.
Grand Kangoo е дефинитивно еден од најсестраните автомобили на овогодинешниот саем, а може да се користи и како комбе, бидејќи е можно да се отстранат три седишта од средниот ред, како и две седишта од задниот ред. Ова го зголемува волуменот на багажникот од 500 на дури 3.750 литри, ако се смета и дека совозачкото седиште е преклопено, наведуваат информативните агенции.
Пристапот до третиот ред на седишта е лесен благодарение на лизгачката врата долга 83 cm, што е за 18 cm подолга во споредба со стандардниот модел Kangoo. Имајќи ги предвид петте седишта со ISOFIX, Grand Kangoo е еден од автомобилите кои се најпријателски за семејството. Од Renault тврдат дека има дури 1.024 конфигурации бидејќи седиштата може да се преклопат, да се поместат на страна и целосно да се отстранат.
Предметите долги до 3,11 метри можат да се сместат во внатрешноста откако ќе се склопи совозачкото седиште. Кабината содржи повеќе од 58 литри простор за складирање на различни предмети, вклучувајќи лизгачка фиока и прегради под вториот ред седишта. Патниците во третиот ред имаат многу простор за глава благодарение на рамниот покрив, а просторот до колената е 164 mm. Renault планира стандардно да го продава Grand Kanga со застаклена задна врата, но ќе може да се добијат верзии со 2/3 и 1/3 стакло и врати со шарки (лизгачки).
Исто така, клиентите ќе можат да избираат помеѓу бензин, дизел и електричен погон. Новиот MPV може да биде опремен со бензински мотор со 130 КС поврзан со 6-брзински мануелен или 7-брзински автоматски менувач со двојна спојка. Дизелот со 95 КС доаѓа исклучиво со 6-брзински мануелен менувач.
Кога станува збор за електричната верзија, таа е придвижувана од електричен мотор кој испорачува 121 КС и 245 Nm вртежен момент. Grand Kangoo E-Tech има литиум-јонска батерија со капацитет од 45 kWh, која обезбедува автономија од 265 километри. Кога ќе се потроши енергијата, полнењето со DC полначот во период од 27 минути е доволно за да поминете уште 170 километри или 80 километри за 10 минути благодарение на полначот од 80 kW.
Со помош на AC полначот, батеријата на 10 се полни до 80 проценти за 2 часа и 40 минути. Гаранцијата на батеријата е осум години или изминати 160.000 километри. Доколку во тој период капацитетот падне под 70 проценти, Renault ќе го замени целосно бесплатно. Grand Kangoo е опремен со камера за рикверц, загреани предни седишта и волан, како и инфозабавен систем EasyLink во внатрешноста. Рено ќе започне да прима нарачки на крајот на оваа година, а испораките се очекуваат на почетокот на 2024 година. Grand Kangoo ќе се произведува во Maubeuge, Франција.
