Серискиот Alfa Romeo Tonale на пазарот во 2020 или 2021

Со оглед на големата популарност на crossover и на SUV модели во последно време што и натаму забрзано продолжува да расте на светко рамниште, моделот Tonale e токму тоа што на компанијата Alfa Romeo и треба на глобалниот пазар, за да биде неопходна поддршка на актуелниот и глобално популарен нивни SUV моделот Stelvio…

Компактниот SUV модел на легендарната италијанска автомобилска марка позната по своите спортски креации веќе беше најавен претходно годинава, поточно на почетокот на март, на салонот за автомобили во Женева, со претставување на концепт …

Но, поучени од историјата која вели дека концепциските модели најчесто, се разликуваат од сериските производни, така и сега очекуваме тоа да се случи  и кај овој SUV.

Специјализираниот портал за автомобилизам –Motor1 направи рендери што покажуваат како би изгледала продукциската верзија на моделот Alfa Romeo Tonale.

Изгледот е малку „ ублажен “, во нешто изменет за истиот да може да одговара на еден продукциски модел.

Исчезнаа и страничните камери што се заменети со конвенционални ретровизори, како и pop-up рачките на вратите наместо кои се имплементирани стандардните.

Задните врати и понатаму имаат скриени рачки, a тоа е карактеристика која моделите на  Alfiа  ја имаат веќе низа на години.

Автомобилот на рендерот има поинакви фелни во однос на 21 –инчните во ретро стил  што беа поставени на концептот.

Серискиот Tonale на пазарот би требало да пристигне во текот на наредната 2020 година, или пак една година подоцна, во 2021 и би можел да стане нај продаваниот модел на  Alfа.

Техничките спецификации за овој SUV, засега,остануваат тајна, но затоа пак, се знае, дека ќе биде понуден и во хибридна изведба, со погон базиран на тој што се имплементира во сестринските модели во Групацијата – Jeep Renegade и  Jeep Compass.

До крајот на 2022 година во Alfa Rome планираат да лансираат и поголем SUV што ќе го заземе своето место веднаш над моделот Stelvio, a исто така и моделот MiTo би требало да направи транзиција и да се преобрази во crossover.

Во тој временски интервал се очекува да се појави и редизајн верзијата на моделот Stelvio, а исто така би требало да биде понудена и по пространа верзија, на тој модел со продолжено растојание помеѓу оските.

Плус, според дополнителни, неофицијални извори, од компанијата, се најавува и електрификација на брендот за што поуспешно да им парира на премиум производителите Mercedes – Benz, BMW и Audi, како и на Jaguar и Volvo, со цел за три години да достигне годишна продажба од над 400.000 единици.

ПОВРЗАНИ ВЕСТИ

Конечен изглед на VW Golf VIII во GTЕ изведба

Снимен DS 9- прекрасна креација на францускиот премиум бренд!

Нови mild-hybrid бензинци за Volvo XC90 

На саемот во Токио Mazda со прототип EV

Наредната генерација на Audi RS4 ќе има plug –  in хибриден погон

Volvo XC40 со plug-in хибрид

Новиот Fiat 500X Sport, предводник на обновената гама на crossover ѕвездата од Италија!

IAA Frankfurt 2019-Новиот Renault Captur, понапреден, поквалитетен, подобар…

IAA 209 Frankfurt: Wey-S concept и Wey-X concept