Шефот на F1 тимот на Mercedes на чело на Formula 1 натпреварувањето!

Првиот човек на на Mercedes F Tеаm, Тото Волф би можел да биде наследник на Чејс Кери на функцијата извршен директор на светскиот шампионат кон крајот на 2020 година, кога на Волф му истекува договор со Mercedes

Под водството на Волф, Mercedes владее во новата турбо ера во F1 од 2014 година наваму, а светските титули одат кај пилотите, кои оваа сезона ја започнаа со четири двојни победи во првите четири трки.

Волф е акционер во тимот на Mercedes во Formula 1 – со 30% акции, а неговиот колега Ники Лауда, има 10%, додека останатите се на Daimler. Акционерите сепак имаат прелиминарен договор дека автомобилскиот гигант може да ги откупи акциите на Волф и Лауда, ако тие одлучат да го напуштат тимот.

Легендарниот пилот кој има три светски титули, сеуште се опоравува од трансплантација на бели дробови од минатата година и не присуствувал на трката од средината на 2018.

Според анонимни извори во Mercedes, цитирани од сајтот racefans.net, Волф размислува за иднината, бидејќи победничката низа на тимот е загрозена од новите правила, кои ќе стапат на сила за сезоната 2021 и ќе вклучуваат ограничување на буџетите.

Овие правила најмногу ќе влијаат на големите тимови како Mercedes и Ferrari, а покрај тоа, сегашниот извршен директор на Daimler Дитер Цетче ќе ја напушти функцијата на крајот на мај, а тоа исто така има значење за иднината на Волф.

На местото на Цетче доаѓа Ола Калениус кој има клучна улога за забрзаниот курс на Mercedes кон електричните модели, промоцијата на EQ, а исто така е и меѓу оние кои исклучително влијаат на тоа Mercedes да влезе во Formula Е.

Во Баку медиумите го прашаа Волф дали неговата иднина вклучува напуштање на Mercedes и нова улога во Formula 1, но тој само рекол дека неговиот договор со тимот завршува во 2020 година.

Според извори од Liberty Media, сопственикот на основниот пакет акции во Formula 1, 65-годишниот Чејс Кери, извршен директор и претседател на Liberty Media, ќе го напушти кормилото по 2020 година, но ќе остане претседател, а Волф ќе ја преземе функцијата на CEO.

ПОВРЗАНИ ВЕСТИ

BMW M8 MotoGP Safety Car

Lamborghini на “ниет“ за влез во нова hyper класа на Le Mans!

Audi ќе ја збогати палетата на RS модели со шест новитети

Во Renault F1 болидот за тековната сезона галопираат над 1.000 КС

Хет-трик на Мартин Делев на TWINGO CUP

На Стефановски му одземаа подиум со 25 секунди казна

Му ја украдоа победата на Иџе, па жестоко удри по Италијанците

Ultima RS- Хипер автомобил од Англија со 1.200 расни „грла“

Volkswagen апсолутен крал на „Рингот“, електричниот ID.R просто неверојатен!