Скроен планот за старт на Formula 1 сезоната!

Како и сите останати спортови, така и автомото спортот е во статус на мирување поради пандемијата, но веќе се кројат планови за почеток на сезоната во Formula 1…

Новата сезона во F 1 е сериозно погодена од пандемијата на корона вирусот, поради што 10 трки веќе се откажани или одложени, всушност сезоната не ни започна поради стравот од ширењето на Covid-19.

Првично планот бил сезоната во F1 да започне со Големата награда на Франција, но истата е откажана а, како што велат организаторите, нивниот фокус е насочен кон 2021 година. Во меѓувреме, челниците на F 1 се обидуваат да направат план за почеток на сезоната во најбрзиот циркус на планетата и тоа во Австрија во првата недела од јули.

Надлежните органи во Австрија истакнуваат дека се подготвени да ја одржат трката зад затворени врати. Мерките во Австрија постепено се ублажуваат, но социјалната дистанца и понатаму е задолжителна.

„Австрија е идеално место за почеток на сезоната, но и можноста таму да се одржат две трки во една недела. Патеката се наоѓа далеку од поголемите градови, а сепак аеродромот е блиску. Лесно може да се контролира кој ќе се движи во кругот на патеката и околината, а секој од натпреварувачите, како и персоналот ќе бидат тестирани“, изјави техничкиот директор на Formula 1, Рос Брaун и додаде: „Со цел да не го повторуваме тој процес на некоја друга локација, предлогот е во избрани држави со квалитетна инфраструктура да се одржат повеќе трки“.

Исто како и Рос Браун и генералниот директор на Formula 1, Чејс Кери, е убеден дека сезоната ќе започне во јули, истакнувајќи дека вкупно би требало да се одржат од 15 до 18 трки.

Според некои планови, Formula 1 во текот на летото би се возела во Европа, а на есен во Азија и Северна и Јужна Америка.

„Трките во Европа би можеле да се одржат во текот на јули и август и почетокот на септември. Првата трка би можела да биде во Австрија од 3 до 5 јули. Во септември, октомври и ноември би се возело во Азија и Северна и Јужна Америка, а сезоната би можела да заврши во декември, со трките во Бахреин и Абу Даби. Тоа значи дека би имале од 15 до 18 трки“, изјавил Кери.

ПОВРЗАНИ ВЕСТИ

Renault Talisman отстапува место на електрична лимузина!

BMW M4 GT3 е подготвен да се упати на тркачките патеки

KIA Sonet нов SUV од Кореја но не и за европскиот пазар!

Subaru WRX S4 STI Sport #

Новиот Stratos влегува во производство, премиерата во септември

„Милиони животи да се спасат на патиштата“- Жан Тод

Nissan го лансира специјалниот GT-R50 Italdesign вреден над милион долари !

Нашите Твинговци со два тима во ТОП 10 на трката во издржливост на Endurance Race LEMA Гробник 

Македонските „Твинговци“ со фантастичен настап на „Гробник“