Ако се сеќавате на рекламата на Volkswagen во која бабата го продаде својот VW Golf од трета генерација на еден млад човек и неговиот татко, сега оваа приказна има свое продолжение…
Во 2010 година видовме реклама на Volkswagenн во која една баба продава VW Golf од трета генерација со кој претходно изведувала разни „акробации“, но и покрај се автомобилот бил во добра состојба и ги исполнувал критериумите на новите сопственици.
Оваа приказна се фокусираше на издржливоста на автомобилите на Volkswaen, но сега има продолжение кое вклучува електрични модели на германската марка.
Актерите не се исти, но приказната секако е позната. Старицата се сеќава на својот стар VW Golf и се кае што го продала, па дури и направила тетоважа со автомобил на раката.
После тоа, таа се појавува во салонот и оди на тест возење на моделот VW ID.4 GTX кој „ја враќа енергијата“, што всушност одговара на мотото „Врати ја енергијата“ (Bring back the energy). Volkswagen очигледно сака да ги промовира електричните автомобили како забава, а тоа особено важи за моделите ID.4 GTX и ID.5 GTX.
ID.4 GTX е придвижуван од два електрични мотори, по еден на секоја оска, испорачува вкупно 295 КС и 470 Nm вртежен момент. Моделот забрзува од 0 до 100 km/h за 6,2 секунди, додека максималната брзина му е електронски ограничена на 180 km/h.
