Најавен минатиот месец, електричниот MG4 XPower со моќ од 429 КС сега е официјално откриен, а при тоа е обелоденета и неговата цена која изнесува 36.495 британски фунти на пазарите во Велика Британија…
Пошироката јавност подобро го запозна на фестивалot на брзината во Гудвуд ( Goodwood festival of speed). Во секој случај, MG4 XPower е спортска верзија на веќе добро познатиот MG4, овде доаѓа со два електрични мотори и погон на сите четири тркала.
Оваа погонска комбинација нуди вкупна моќност од 429 КС и 600 Nm максимален вртежен момент. Тоа е гаранција за супериорни перформанси: Забрзувањето од 0 до 100 km/h за само 3,8 секунди.
Поголемата моќност неизбежно влијае на досегот, со пад на 384 km од 452 km (полнење 10-80% за 35 минути на брз полнач), а волуменот на багажникот исто така е намален од 363 на 289 литри.
Забележано е дека MG4 XPower доаѓа со модифицирана суспензија, подобрено управување, нов систем за динамичка контрола на свиоци, црн контрастен покрив, портокалови клешти на сопирачките, аеродинамичен пакет, LED фарови, 18-инчни тркала, за поекспресивна спортска надворешност. На што се надоврзуваат и затемнети стакла,
Во таков стил е креирана и внатрешноста на автомобилот на струја. која има спортски седишта прекриени со Alcantara, на што се придодаваат и спортски педали, како и истиот информативно забавен систем со екран од 10,25 инчи во дијагонала, исто како и кај другиот MG4. Конечно, има нова Racing Green боја за надворешноста, како омаж на спортските, славни денови на оваа марка
