Спринт квалификации на три трки во Formula 1 во сезоната 2021

Форматот на спринт квалификациите за ќе се примени на три трки во тековната сезона, потврди Формула 1 во понеделникот, а информацијата ја пренесе Sport Klub…

Според официјалното соопштение, FIA, Formula 1 и сите тимови постигнаа договор за одржување на спринт квалификациите на три Гран при во 2021 година – две во Европа и една надвор од Стариот континент.

Спринт квалификациите значат дека возачите ќе се натпреваруваат на трка на 100 километри во сабота попладне, а врз основа на постигнатите резултати ќе бидат одредени и нивните почетни позиции за трката в недела.

Исто така, возачите кои ќе ги заземат првите три места во спринт квалификациите ќе освојат бодови – победникот три, второто место две и третото место еден бод.

„Возбудени сме од можноста да ги направиме тркачките викенди уште поинтересни“, рече Стефано Доменикали, првиот човек на Формула 1.

„Возачите ќе се тркаат сите три дена и тоа ќе биде неверојатно искуство. Сигурен сум дека и тие ќе уживаат во борбата. „Воодушевен сум што сите екипи го поддржаа овој план, и тоа е доказ за единствениот напор да им обезбедиме на нашите навивачи нешто ново, а во исто време да го почитуваат наследството на овој спорт.

Тркачките викенди со спринт квалификации ќе започнат во петок, со 60-минутен тренинг.

Тоа ќе биде проследено со квалификации во досега познат формат, кога ќе бидат утврдени почетните позиции за сабота.

Вториот 60-минутен слободен тренинг ќе се одржи во сабота, по што ќе следат спринт квалификации на 100 километри.

Секако главната трка ќе биде на програмата во недела.

Сè уште не е објавено каде ќе биде применет овој формат на квалификации, но се споменува дека може да биде во Монца и Силверстоун.

ПОВРЗАНИ ВЕСТИ

Пристигнува baby Jeep

Маестрален настап на Давид Малинковски на тркачката патека во Гробник

Abarth F595

Салонот во Париз се враќа идната 2022 година

Dacia: Светска премиера на салонот за автомобили IAA Mobility 2021 во Минхен

Ioniq 5 стана најпродаваниот Hyundai на електричен погон досега

Од ноќеска на полноќ поскапуваат само бензините

Политиката го победи спортот на тркачката патека во Серес , Грција

Прв увид во новиот дизајн на F1  болидите