Tesla Model S поминал 1,5 милиони километри!

Станува збор за Model S P85 на Tesla што деновиве, поточно на шести јануари помина точно 1,5 милиони километри …

Станува збор за автомобил кој во Германија го користи Хансјорг фон Геминген – Хорнберг (Hansjörg von Gemmingen – Hornberg), инаку, познат во светот на електричните автомобили по тоа што поминува рекорден број километри во автомобилите со значка на Теslа.

 

На 15 јули 2019 година има поминато 900.000 км (така покажувал одометарот на автомобилот), потоа на 28 ноември направил убава бројка од 1.000.000 км, а потоа на 15 октомври 2020 година поминати речиси 1.200.000 километри.

Како што може да се види, тој продолжил да поминува милји односно километри користејќи го автомобилот како такси.

Тој претходно возел модел Tesla Roadster со кој поминал повеќе од 620.000 километри.

Многумина вљубеници во автомобили и тоа не само тие во електрични, се прашуваа дали Model S сè уште ги користи првично инсталираните батерии и погонски единици.

Одговорот на нивните прашања е краток и гласи „не“.

Првата батерија почна да прави проблеми веќе по 290.000 изминати километри, па поради тоа била заменета бидејќи истата сè уште беше под гаранција.

Во Tesla се обидувале да откријат што е проблемот и поставиле замена која била користена половина година, а автомобилот поминал 150.000 километри со инсталираната заменска батерија.

По периодот на испитување била поставена и целосно нова батерија.

Кога станува збор за погонските единици, Tesla Model S P85 има еден електричен мотор кој ги придвижува тркала на задната оска.

Првите примероци на моделот имаа проблеми со голема моќност и вртежен момент, поради што моторот беше менуван неколку пати за да се создаде оптимален баланс.

До 680.000 изминати километри сменети се три мотори, а четвртиот електромотор го довезол автомобилот до 1.000.000 километри.

Дали после тоа имало уште промени се уште не е познато.

Имено, сопственикот, Хансјорг фон Геминген-Хорнберг објави само фотографија со нова „магична“ километража, без да додаде каков било коментар.

 

ПОВРЗАНИ ВЕСТИ

Škoda  Enyaq iV кампер

ELegend EL1 и EL2 ќе бидат инспирирани од легендарни спортски автомобили

Tркачки Maserati MC20 GT2

Како е создаден светски препознатливиот архитектонски симбол на Минхен?

Конфискуван Ferrari 458 Italia во чешката полициска флота

Lamborghini Huracan Sterrato

Hopium Machina Vision

Toyota GR86 10th Anniversary Limited

Citroen C3 Aircross Rip Curl